მთავარი სიახლეები
ყველა
სიახლეები
ყველა

ევროკავშირში უკრაინის ადგილი თუ არ არის, თქვით ეს მკაფიოდ, – ასე მიმართა ნიდერლანდების პრემიერს უკრაინის პრეზიდენტმა, ვოლოდიმირ ზელენსკიმ Nieuwsuur-თან ინტერვიუში.

 

28/05/2022

14:13

რუსეთის სამხედრო აგრესიის შედეგად უკრაინაში უკვე 242 ბავშვია დაღუპული, 440-ზე მეტი კი დაშავდა. ინფორმაციას უკრაინის გენერალური პროკურატურა ავრცელებს.

28/05/2022

13:46

ზესტაფონში  მომხდარ ავარიას ორი ადამიანი ემსხვერპლა. 

28/05/2022

12:28

წამების ადგილად გქონდათ გადაქცეული ციხეები და იქ მოხვედრილი ადამიანებიდან, ჯანმრთელი ერთი არ გამოდიოდა. ამიტომ იყო 144 ადამიანი რომ კვდებოდა წელიწადში და ამიტომ იყო, ყოველ მეორე ადამიანს რომ ჰქონდა C ჰეპატიტი. აი, ეგ იყო თქვენი ციხეები და ეგ იყო თქვენი მიდგომა, - მიმართა „ნაციონალური მოძრაობის“ დეპუტატებს თვითმმართველობისა და რეგიონული პოლიტიკის კომიტეტის თავმჯდომარემ სოზარ სუბარმა საქართველოს პარლამენტში ინტერპელაციის წესით იუსტიციის მინისტრ რატი ბრეგაძის გამოსვლისას.

28/05/2022

12:26

საქართველოს პარლამენტის თავმჯდომარემ შალვა პაპუაშვილმა აზერბაიჯანელ კოლეგას ქვეყნის დამოუკიდებლობის დღე მიულოცა.

28/05/2022

11:58

უკრაინის შეიარაღებული ძალების გენერალური შტაბი რუსული არმიის საბრძოლო დანაკარგის შესახებ ოფიციალურ ინფორმაციას ავრცელებს. მონაცემები გულისხმობს 24 თებერვლიდან 28 მაისამდე პერიოდს. (ომის დაწყების დღიდან დღემდე).

 

28/05/2022

11:36

აშშ-ს პრეზიდენტმა ჯო ბაიდენმა განაცხადა, რომ რუსეთის პრეზიდენტი ვლადიმერ პუტინი ცდილობს „დედამიწიდან მოსპოს უკრაინელების კულტურა და იდენტობა“ სკოლებზე, საბავშვო ბაღებზე, საავადმყოფოებსა და მუზეუმებზე თავდასხმით.

28/05/2022

11:17

გელათის სამონასტრო კომპლექსის ღვთისმშობლის შობის ტაძარზე ახალი დროებითი გადახურვის მოწყობის პროცესს UNESCO-ს მაღალკვალიფიციური ექსპერტები გაუწევენ ზედამხედველობას. საგანგებოდ ამ მიზნით, საქართველოს კულტურის, სპორტისა და ახალგაზრდობის სამინისტროს მოწვევით, გელათში უკვე იმყოფებიან ძეგლის გადახურვის სპეციალისტები - პროფესორი უგო ტონიეტი და სარა სტეფანინი, რომლებიც დღეს შეუდგნენ მუშაობას და 31 მაისამდე დარჩებიან საქართველოში.

28/05/2022

10:28

უკრაინაში საქართველოს საგანგებო და სრულუფლებიანი ელჩის, სუამში საქართველოს მუდმივი წარმომადგენელის გიორგი ზაქარაშვილის განცხადებით, განსაკუთრებით რუსეთის აგრესიის პირველ დღეებში, უკრაინაში საქმიანობა ძალიან რთული იყო.

 

მისივე თქმით, საელჩოს რესურსი მიმართული იყო მოქალაქეების გაყვანასა და მათ დახმარებაზე, რაც მეტ-ნაკლებად შედეგიანად გამოვიდა.

 

„ნამდვილად რთული იყო განსაკუთრებით, რუსეთის აგრესიის პირველი დღეები, როდესაც კიევზე შეტევა დაიწყო და არსებობდა საშიშროება, რომ შესაძლებელი იყო დედაქალაქზე შტურმი და მისი აღება. ფაქტობრივად სამი მეოთხედი რკალი შეკრული იყო რუსების ჯარების მიერ. ცხადია, ყველაზე რთული პერიოდი ეს იყო, როდესაც ყოლველდღე, დღეში რამდენჯერმე ცხადდებოდა განგაში. ჩვენთან, საელჩოში რამდენიმე ათეული ადამიანი იყო თავშესაფარში. იყო რამდენიმე საფრთხე, რაზეც არაერთხელ ვისაუბრეთ მაშინ. პირველი, რომ ზოგ შემთხვევაში, სჯობდა სახლში დარჩენა და ქუჩაში არგასვლა, ვინაიდან იყო დიდი საცობები და გადაადგილება შეუძლებელი. შესაბამისად, აქაც რთული დასალაგებელი იყო, რა შემთხვევაში სჯობდა სახლში ყოფნა, დაცდა და შემდეგ გამოსვლა, მცდელობა საზღვრის გადაკვეთის. ამ ყველაფრის მენეჯმენტს აკეთებდა საელჩო, გენერალური საკონსულო. საელჩოს რესურსი მიმართული იყო მოქალაქეების გაყვანაზე და მათ დახმარებაზე, რაც მეტ-ნაკლებად შედეგიანად გამოვიდა, რაც ქალბატონმა პრეზიდენტმა დააფასა და გადაწყვიტა, დაეჯილდოვებინა რამდენიმე ადამიანი, თუმცა ეს ჯილდოები ეკუთვნის უკლებლივ ყველა თანამშრომელს“, – განაცხადა გიორგი ზაქარაშვილმა.

 

ამასთან, გიორგი ზაქარაშვილმა ისაუბრა პოლიტიკური მხარდაჭერის შესახებ, რასაც საქართველო უკრაინის მიმართ ახორციელებდა.

 

„24-საათიანი კონტაქტი მქონდა საგარეო საქმეთა სამინისტროსთან, ასევე პარლამენტში საგარეო საქმეთა კომიტეტის ხელმძღვანელთან და ევროინტეგრაციის საქმეთა კომიტეტის ხელმძღვანელთან. შესაბამისად, კონტაქტი ყოველთვის არსებობდა როგორც საელჩოს დონეზე, ასევე ხელმძღვანელობის. მთავრობის მხრიდანაც არაერთხელ ითქვა, რომ მიუხედავად იმ ერთმნიშველოვნად მინიმუმ საწყენი განცხადებებისა, ჩვენ გვესმოდა, რა ვითარებაში ხდებოდა ამის გაკეთება, რა ვითარებაა უკრაინაში, რა სირთულეების გადალახვა უწევს უკრაინის ხელისუფლებასა და ხალხს. შესაბამისად, ამ ბრძოლში არ არის იმის დრო, რომ რაღაც წყენა გამოვაჩინოთ და ამაზე ავაწყოთ ჩვენი ურთიერთობა. წყენა არის ერთი და არის პრაქტიკული ღონისძიებები, ნაბიჯები, რაც გაკეთდა. არც ერთ საერთაშორისო ორგანიზაციაში არ ყოფილა, რომ განცხადება არა თუ მხარდაჭერილი არ ყოფილიყო, არამედ სპონსორები ან თანაავტორები არ ვყოფილიყავით. ეს არის 150-ზე მეტი განცხადება. ასევე გაერო-ში და სხვა ორგანიზაციებში, ყველგან, სადაც საქართველოს ხმას ჰქონდა მნიშვნელობა, საქართველოს ხმა არა თუ უკრაინის ყულაბაში იყო, არამედ კეთდებოდა განცხადებები არა ორაზროვანი, არამედ მკაფიო განცხადებები საქართველოს მხრიდან უკრაინის მხარდაჭერის შესახებ. ჩვენამდე არაფერი მტკიცებულება არ მოსულა, იყო ნათქვამი, ამაზე გვქონდა კომუნიკაცია არაერთხელ. საქართველის ხელისუფლებამ არა მარტო საჯაროდ განაცხადა იმის შესახებ, რომ იზიარებს მიდგომებს, რომლებიც აქვს დასავლეთს, ასევე პირად საუბრებში ამის ხაზგასმა მოხდა. იმაზე ხაზგასმა, რომ საქართველო მხარს უჭერს უკრაინას, ყველა დონეზე იყო“, – განაცხადა გიორგი ზაქარაშვილმა.

 

უკრაინაში საქართველოს ელჩი – ყველგან, სადაც საქართველოს ხმას ჰქონდა მნიშვნელობა, საქართველოს ხმა არა თუ უკრაინის ყულაბაში იყო, არამედ კეთდებოდა მკაფიო განცხადებები უკრაინის მხარდაჭერის შესახებ

 

საქართველოს პრეზიდენტმა სალომე ზურაბიშვილმა უკრაინაში საქართველოს დიპლომატიური წარმომადგენლობების თანამშრომლები ღირსების მედლით დააჯილდოვა. მათ შორის კრაინაში მიმდინარე საომარი მოქმედებების დროს სამსახურებრივი მოვალეობების სანიმუშოდ შესრულებისა და მაღალი პროფესიონალიზმისთვის, უკრაინის ტერიტორიაზე მყოფი საქართველოს მოქალაქეების დახმარებისა და მათი უსაფრთხოების უზრუნველყოფისთვის, საქმისა და ქვეყნის ერთგული სამსახურისთვის ღირსების მედლით დაჯილდოვდა უკრაინაში საქართველოს საგანგებო და სრულუფლებიანი ელჩი, სუამში საქართველოს მუდმივი წარმომადგენელის გიორგი ზაქარაშვილი.

27/05/2022

17:10

ევროკავშირის წევრობის კანდიდატობაზე გადაწყვეტილება მოითხოვს ევროკავშირის მზაობასაც, ორგანიზაციის კარი გაუღონ ახალ წევრებს. წევრ ქვეყნებს შორის ევროკავშირის გაფართოების მიმართულებით არსებობს სხვადასხვა მოსაზრება, რაც ყველასთვის ცნობილია, - ამის შესახებ საქართველოს საგარეო საქმეთა მინისტრმა ილია დარჩიაშვილმა პარლამენტის პლენარულ სხდომაზე სიტყვით გამოსვლისას განაცხადა.

27/05/2022

13:09

დიასპორის დღევანდელი ბედი სულ სხვანაირია და ბევრად უფრო მჭიდროა დღეს, იმედი მაქვს, მომავალში უფრო დაკავშირებული იქნება ქვეყანასთან. დიასპორა ნამდვილად წარმოადგენს ჩვენს ძალას უცხოეთში, პატარა ქვეყნისთვის ეს არის ძალიან მნიშვნელოვანი, – ამის შესახებ საქართველოს პრეზიდენტმა სალომე ზურაბიშვილმა დიასპორის დღისადმი მიძღვნილ ფორუმზე – „ქართული დიასპორა საქართველოს ევროპული მომავლისთვის“ სიტყვით გამოსვლისას განაცხადა.

27/05/2022

11:54

ჩვენ კვლავ ველოდებით მომენტს, როდესაც ევროპული კომისია წარმოადგენს თავის მოსაზრებას ევროკავშირში საქართველოს, უკრაინის და მოლდოვის წევრობის განაცხადებზე, – ამის შესახებ საქართველოში ევროკავშირის ელჩმა კარლ ჰარცელმა ჟურნალისტებს განუცხადა.

 

ჰარცელი ვარაუდობს, რომ განაცხადებზე მოსაზრებას ევროპული კომისია 2-3 კვირაში წარადგენს.

 

„ევროკავშირის წევრობის განაცხადზე ის, რასაც ვიტყვი, საკმაოდ მოსაწყენი იქნება, რადგან მე უნდა ვისაუბრო პროცესის თვალსაზრისით. ჩვენ კვლავ ველოდებით მომენტს, როდესაც ევროპული კომისია წარმოადგენს თავის მოსაზრებას ევროკავშირში საქართველოს, უკრაინის და მოლდოვის წევრობის განაცხადებზე. ჩემი პროგნოზით, ეს მოხდება უახლოეს 2-3 კვირაში“, – განაცხადა ჰარცელმა.

26/05/2022

15:29

მსჯავრდებულ მიხეილ სააკაშვილის ჯანმრთელობის მდგომარეობა დღის განმავლობაში იყო კვლავ სტაბილური, ჩაუტარდა გეგმიური კვლევებიც და მკურნალი ექიმის ნებართვის საფუძველზე ოთხმა ვიზიტორმა მოინახულა, – ამის შესახებ აღნიშნულია სპეციალური პენიტენციური სამსახურის განცხადებაში.

 

როგორც განცხადებაშია ნათქვამი, მედიაში გავრცელებული ინფორმაციის თანახმად, 2022 წლის 25 მაისს, კლინიკა „ვივამედში“ ღამის საათებში, მსჯავრდებულ მიხეილ სააკაშვილის ჯანმრთელობის მდგომარეობა გაუარესდა.

 

„აღნიშნულთან დაკავშირებით, პენიტენციური სამსახურის სამედიცინო დეპარტამენტი კლინიკას საკითხის მოკვლევის მიზნით დაუკავშირდა. სამედიცინო დაწესებულებიდან მიღებული ინფორმაციის თანახმად, მიმდინარე წლის 25 მაისს 01:31 საათზე მიხეილ სააკაშვილთან გამოძახებულ იყო მორიგე ექიმი, რომელსაც პატიმარმა განუცხადა, რომ გახდა შეუძლოდ -„დაკარგა გონება“.

 

სააკაშვილს სხეულის გარეგანი დაზიანებები არ აღენიშნებოდა, ჰემოდინამიკური და სხვა ვიტალური პარამეტრები (არტერიული წნევა, პულსი, სუნთქვის სიხშირე, სხეულის ტემპერატურა, პულსოქსიმეტრია), შაქრის დონე სისხლში, ეკგ მაჩვენებლები – ნორმის ფარგლებშია. დამატებით კონსულტირებული იყო ნევროლოგის მიერ – მწვავე ნევროლოგიური პათოლოგია გამოირიცხა.

 

ჩატარებული კვლევების საფუძველზე, გონების დაკარგვის ობიექტური, სამედიცინო მტკიცებულებები ამ ეტაპზე არ იქნა გამოვლენილი, ჯანმრთელობის საერთო მდგომარეობა შეფასდა როგორც დამაკმაყოფილებელი, კვლევების შემდგომი გაღრმავება და მკურნალობის კორეგირება მიზანშეწონილად არ იქნა მიჩნეული. გრძელდება დაკვირვება დინამიკაში.

 

მსჯავრდებულის ჯანმრთელობის მდგომარეობა დღის განმავლობაში იყო კვლავ სტაბილური, ჩაუტარდა გეგმიური კვლევებიც და მკურნალი ექიმის ნებართვის საფუძველზე ოთხმა ვიზიტორმა მოინახულა“, – აღნიშნულია განცხადებაში.

26/05/2022

14:59

საქართველოს საგარეო საქმეთა სამინისტროს და საზღვარგარეთ საქართველოს დიპლომატიური წარმომადგენლობების ჩართულობით, საქართველოს დამოუკიდებლობის დღე – 26 მაისი, მსოფლიოს მასშტაბით, სხვადასხვა სახის ღონისძიებებით აღინიშნება.

 

საგარეო საქმეთა სამინისტროს ცნობით, დამოუკიდებლობის დღესთან დაკავშირებით, ტრადიციულად საქართველოს დროშის ფერებში განათდება მსოფლიოს სხვადასხვა ღირშესანიშნაობები.

 

„წელს პირველად საქართველოს დროშის ფერებში განათდება ალექსანდრიის ბიბლიოთეკა (ეგვიპტე), კანადაში კი უკვე მეორედ, ნიაგარას ჩანჩქერზე გამოიხატება საქართველოს დროშა. ასევე, 26 მაისთან დაკავშირებით, სტრასბურგში, ევროპის საბჭოს შენობა განათდება საქართველოს დროშის ფერებში. ავსტრალიაში კი საქართველოს დროშის ფერები გამოიხატება ავსტრალიის ეროვნული კარილონის შენობაზე.  არაბთა გაერთიანებულ საამიროებში „ADNOC“-ის შენობა განათდება საქართველოს სახელმწიფო დროშის ფერებით, კორეის რესპუბლიკაში კი სეულის მერიის შენობა. 26 მაისის აღსანიშნავად, საუდის არაბეთში  ქვეყნის ყველაზე ცნობილ შენობაზე – „Kingdom Center“ გამოიხატება საქართველოს დროშა. თურქეთში საქართველოს დროშის ფერებში განათდება ანკარის სიმბოლოები, თურქეთის პალატებისა და ბირჟების გაერთიანების – „TOBB“ შენობები, ე. წ. ტყუპები და აგრეთვე, ათაქულეს კოშკი. საქართველოს ეროვნული დროშის ფერები გამოისახება სტამბოლის ხიდზეც. აზერბაიჯანში 26 მაისის აღსანიშნავად განათდება ბაქოს ცენტრში მდებარე შენობა. უნგრეთში საქართველოს დროშის ფერებით განათდება შოთა რუსთაველის ძეგლი. სომხეთში კი საქართველოს დროშა გამოისახება დედაქალაქში არსებულ ბილბორდებზე.

 

26 მაისის აღსანიშნავად,  ტრადიციულად, საქართველოს ეროვნული სიმბოლოს ფერებში განათდება ლიეტუვას ცენტრალური ხიდი, ასევე კაუნასში ძველი მერიის შენობა „რატუშა“ და შადრევანი, ასევე დაგეგმილია  ირლანდიაში, დუბლინის მერიის შენობის განათება საქართველოს ეროვნული დროშის ფერებში.  დამოუკიდებლობის დღის აღსანიშნავად, ბარსელონასა და ათენში განათდება ქალაქის შადრევნები,  ხოლო კვიპროსში – საქართველოს დროშის ფერები გამოისახება ძველი მერიის შენობაზე. სალონიკში  მერიის შენობა ასევე განათდება ქართული დროშის ფერებით. ისრაელში კი, 26 მაისთან დაკავშირებით, ქ. იერუსალიმის დავითის კოშკსა და ძველი ქალაქის კედელზე ქართული დროშა გამოხატება.

 

აგრეთვე, უზბეკეთში განათდება ტაშკენტის ცენტრალურ მოედანზე მდებარე სასტუმრო „უზბეკეთი“, ხოლო სლოვაკეთში, ნიდერლანდების სამეფოში საქართველოს საელჩოს შენობები.  ასევე, 26 მაისთან დაკავშირებით, ირანში თეირანის მთავარ სატელევიზიო ანძაზე გამოისახება საქართველოს დროშა.


საქართველოს დამოუკიდებლობის დღესთან დაკავშირებით, ბელგიაში, ტრადიციულად, 26 მაისის აღსანიშნავად, ბრიუსელის სიმბოლოს, ცნობილი ქანდაკების – „Manneken-Pis“ ქართული ჩოხით შემოსვის ცერემონია გაიმართება. ნიუ-იორკში კი დამოუკიდებლობის დღესთან დაკავშირებით საქართველოს დროშის აღმართის საზეიმო ცერემონიალი გაიმართება. ჩინეთში დაგეგმილია შოთა რუსთაველის ბიუსტის გახსნა. რუმინეთში, საქართველოს დამოუკიდებლობის დღისადმი მიძღვნილი ღონისძიებების ფარგლებში, მეფე მიხაი პირველის სახელობის პარკში იგეგმება შოთა რუსთაველის ბიუსტის გახსნა, ასევე რუმინულ ენაზე „საქართველოს ისტორიის“ წიგნის პრეზენტაცია და ქართული ფილმების ჩვენება.

 

ჩეხეთში, ეროვნული დღისადმი მიძღვნილი ღონისძიებების ფარგლებში, მასარიკის უნივერსიტეტში, ადრეული შუა საუკუნეების კვლევით ცენტრში გაიხსნება შოთა რუსთაველის კაბინეტი. ამასთან, ეროვნულ დღესთან დაკავშირებით, საზღვარგარეთ საქართველოს საელჩოების ორგანიზებით, დაგეგმილია სხვადასხვა სახის კულტურულ-შემეცნებითი ღონისძიებების გამართვაც. ბელგიაში საქართველოს საელჩოსა და ნატო-სთან საქართველოს წარმომადგენლობის ერთობლივი ორგანიზებით, იგეგმება დამოუკიდებლობის დღისადმი მიძღვნილი ფოტო-გამოფენის მოწყობა და თანამედროვე ქართველი მხატვრების გამოფენა.


ბრიტანეთის მუზეუმში, საქართველოს დამოუკიდებლობის დღის აღსანიშნავად მოეწყობა გამოფენა –  „საქართველოს ისტორიის ევროპული ფურცლები“.

 

ამასთან, ლიეტუვას ოკუპაციის მუზეუმში, დაგეგმილია, 1989 წლის 9 აპრილის 33-ე წლისთავისადმი და საქართველოს დამოუკიდებლობის აღდგენის დღისადმი მიძღვნილი გამოფენის ორგანიზება – „33 წელი 9 აპრილის ტრაგედიიდან, საქართველოს ბრძოლა თავისუფლებისათვის“. ესტონეთში, 26 მაისს, მოეწყობა გამოფენა საქართველოს ევროპული ინტეგრაციის გზაზე მიღწეული პროგრესის თემაზე, ლატვიაში კი ევროკავშირის წარმომადგენლობის შენობაში გაიმართება გამოფენა „საქართველო – ევროპის განუყოფელი ნაწილი“. გერმანიაში, დამოუკიდებლობისადმი მიძღვნილი ღონისძიებების ფარგლებში, ასევე იგეგმება გამოფენისა და კინოჩვენების ორგანიზება. სლოვენიაში საქართველოს ეროვნულ დღესთან დაკავშირებით, ლიუბლიანის მერიის შენობაში გაიხსნება ფოტოგამოფენა (25 მაისი – 2 ივნისი) „ჩემი ციხე-სიმაგრე ჩემი სახლია“, ასევე გაიმართება საქართველოს ელჩის საჯარო ლექცია სლოვენიის დიპ. აკადემიის სტუდენტებისა და ახალგაზრდა დიპლომატებისათვის. დამოუკიდებლობის დღის აღსანიშნავად, ირლანდიაში დუბლინის მერიის შენობაში Mansion House ასევე გაიმართება ფოტო – გამოფენა და ფილმის ჩვენება. ექსპოზიცია მიეძღვნება საქართველოს ევროპული ინტეგრაციის თემატიკას და ამ მიმართულებით ქვეყნის მიერ მიღწეულ შედეგებს. ღონისძიებაზე ასევე წარმოდგენილი იქნება ქართული კულტურის, ისტორიის, ანბანის და ქართული ეროვნული სამოსის ამსახველი ფოტოგამოფენა. კატარში, 26 მაისთან დაკავშირებით, იგეგმება ქართველი მხატვრების გამოფენის მოწყობა.

 

ასევე, მექსიკის დედაქალაქის ემბლემატურ მუზეუმში – Soumaya, გაიმართება  საქართველოს დამოუკიდებლობის დღისა და დიპლომატიური ურთიერთობების 30 წლისთავისადმი მიძღვნილი ღონისძიება, რომლის ფარგლებშიც ნაჩვენები იქნება  ფილმი – „დემოკრატიული მმართველობის ისტორია საქართველოში“. დამოუკიდებლობის დღესთან დაკავშირებით, კულტურულ-შემეცნებითი ღონისძიებები გაიმართება სერბეთშიც, სადაც მოეწყობა გამოფენა –  „ქართული სამოსი – ეროვნული სიმდიდრე და ევროპული კულტურის მემკვიდრეობა“ ქართული ღვინის დეგუსტაციის თანხლებით. 26 მაისს, იაპონიაში გაიხსნება გამოფენა, სადაც წარმოდგენილი იქნება „ვეფხისტყაოსნის“ ილუსტრაციები და ქართული ანბანის სამი სახეობის, ასევე ქართული ეროვნული სამოსის ნიმუშები. ასევე, აშშ-ში საქართველოს დამოუკიდებლობის დღისადმი მიძღვნილი ღონისძიებების ფარგლებში  გაიმართება დახურული ფორმატის დისკუსია საქართველო-აშშ-ის ორმხრივი ურთიერთობების შესახებ.

 

ეროვნული დღესასწაულის აღსანიშნავად  ღონისძიებები ასევე მოეწყობა შვეიცარიაში,  ფინეთში, უნგრეთში, არგენტინაში, იტალიაში, ვატიკანში, ესპანეთში, პორტუგალიაში, პოლონეთში, კვიპროსში, შვედეთში, საბერძნეთში, ნიდერლანდებში, ავსტრიაში, დანიაში, ლატვიაში, ბელარუსში, ბულგარეთში, ქუვეითში,  ყაზახეთში,  მალაიზიაში, იორდანიაში, ნიუ-იორკში, სან-ფრანცისკოში, ტრაპიზონში.


საქართველოს დამოუკიდებლობის დღესთან დაკავშირებით, უცხოურ გამოცემებში დაიბეჭდება აზერბაიჯანში, გერმანიაში, კორეის რესპუბლიკაში, არაბთა გაერთიანებულ საამიროებში, ინდონეზიაში, სლოვაკეთში, თურქეთში, ფინეთში, მოლდოვაში, უნგრეთში, მექსიკაში, კატარში, სამხრეთ აფრიკაში, ისრაელში, იტალიაში, ჩეხეთში საქართველოს საგანგებო და სრულუფლებიანი ელჩების ინტერვიუები“, – ნათქვამია გავრცელებულ ინფორმაციაში.

26/05/2022

10:32

ტრაგედია პოლონეთში - ქართველი ქალი მოკლული იპოვეს.
 

გავრცელებული ინფორმაციით, ის,სავარაუდოდ, საკუთარმა  ქმარმა მოკლა.
 

ქალი სამეგრელოს მკვიდრია. ცოლ-ქმარი პოლონეთში სამუშაოდ იმყოფებოდა.
 

სხვა დამატებითი დეტალები უცნობი

25/05/2022

21:56

ბოლო რვა წლის განმავლობაში წყალმომარაგებისთვის ყველაზე მაღალი, 380 მილიონი ლარის დაფინანსებაა გამოყოფილი, – განაცხადა საქართველოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ პარლამენტში მინისტრის საათის ფორმატში გამოსვლისას.

25/05/2022

20:38

წელს დაგეგმილია სამტრედია-გრიგოლეთის პირველი და მეოთხე მონაკვეთების დასრულება. აღნიშნული გზა სავსე იყო გამოწვევებით. მიუხედავად ამისა, ჯამში 21 კმ გზა უკვე წელს დასრულდება, რაც ზესტაფონის არგვეთას კვანძიდან ლანჩხუთამდე 86 კმ-იანი ჩქაროსნული მაგისტრალური გზით გადაადგილების საშუალებას მოგვცემს, – ამის შესახებ საქართველოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ პარლამენტში მინისტრის საათის ფორმატში გამოსვლისას განაცხადა.

25/05/2022

20:24

ყოფილი პარლამენტარი, დავით ზურაბიშვილი ფეისბუქზე წერს, რომ 1200 ადამიანი აწერს ხელს, რომ ლევან ბერძენიშვილს აეკრძალოს სტუდენტებთან ურთიერთობა, აი რას ფიქრობს ამ ფაქტზე ის:

25/05/2022

20:17

რიკოთის საუღელტეხილო გზის ისტორიული პროექტი გამორჩეულია როგორც მისი შინაარსით, ისე საინჟინრო გადაწყვეტებით, – ამის შესახებ საქართველოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ პარლამენტში მინისტრის საათის ფორმატში გამოსვლისას განაცხადა.

 

25/05/2022

20:07

ხვალ, 26 მაისს ჯორჯიან უოთერ ენდ ფაუერი წყალმომარაგების მაგისტრალურ ქსელზე გადაერთების სამუშაოებს ჩაატარებს, რის გამოც, მთლიანი მილსადენის დაცლა მოხდება. შესაბამისად, თბილისის ათობით ქუჩას წყალმომარაგება შეუწყდება.

25/05/2022

18:39

გადაცემები
ყველა
პუბლიკაციები
ყველა
26 მაისი და 9 აპრილი: ისტორია და მეხსიერება

თანამედროვე ფრანგულ ისტორიოგრაფიაში არსებობს „მეხსიერების ადგილების“ კონცეპტი, რომლითაც აღინიშნება, ამა თუ იმ წარსული მოვლენის აქტუალური - „ცოცხალი“ ხსოვნა.  ამგვარ ცოცხალ მეხსიერებას განასხვავებენ ისტორიულ არქივში შემონახული ამა თუ იმ ფაქტისაგან, რომელიც, თავისთავად, „მკვდარია“, ხოლო მისი „აღდგენა“ ისტორიკოსის მუშაობას მოითხოვს. „ცოცხალ“ მეხსიერებას „მკვდარი“ ისტორია უპირისპირდება.  კერძოდ, „მარსელიოზა“ - ესაა რევოლუციის ცოცხალი ხსოვნა, ხოლო ჰასტინგის ბრძოლა - ისტორიული ფაქტი, რომელიც ასახულია დოკუმენტებში.

 

ანალოგიურად, 26 მაისი - ესაა ისტორიული ფაქტი, რომლიც „ეროვნულმა მოძრაობამ“ გამოიხმო ისტორიული არქივიდან, ხოლო, 1989 წლის 9 აპრილის ღამე - დღემდე ცოცხალი მეხსიერების ნაწილია.

 

თუმცა, იგივე 26 მაისი პირველი ემიგრაციისათვის სწორედ ცოცხალი მეხსიერების ნაწილი იყო. ცნობილია, რომ მაგალითისათვის, მიხაკო წერეთელი, ზურაბ ავალიშვილი და გრიგოლ რობაქიძე, სანამ ცოცხლები იყვნენ, 26 მაისს ერთად აღნიშნავდნენ.

 

ცოცხალი მეხსიერება ზეპირად გადაიცემა. შეიძლება ისეც მოხდეს, რომ არცერთი მონაწილე, ამა თუ იმ მოვლენისა, ცოცხალი აღარ იყოს, მაგრამ ის მაინც რჩებოდეს აქტუალური მეხსიერების ნაწილად. მაგალითდ, 37 წლის მოვლენების უშუალო მონაწილეთაგან თითქმის აღარავინ დარჩა, მაგრამ, შთამომავლებისათვის ის ცოცხალი მეხსიერების ნაწილია, რადგანაც მის შესახებ უშუალო მონაწილეები მოგვითხროდნენ.

 

ესა თუ ის პიროვნება, თუ მოვლენა შეიძლება საუკუნეთა განმავლობაში დარჩეს ცოცხალი მეხსიერების ნაწილად, ხოლო გუშინდელი ფაქტი - ძალიან სწრაფად აღამოჩნდეს ისტორიის არქივში. კერძოდ, თელავსა და კახეთში მეფე ერეკლე ცოცხალი მეხსიერების ნაწილია - თელავში ადამიანს ის განცდაც კი გეუფლება, რომ პატარა კახი, სადღაც წავიდა და მალე მობრუნდება, - ხოლო, მაგალითისათვის, XX საუკუნის 60/80-იანი წლების დისიდენტური მოძრაობა დღეს უკვე „მკვდარ“ ისტორიულ არქივში შემონახული ფაქტია, რომელიც მომავალ ისტორიკოსებს ელის.

 

და ბოლოს, არსებობს ისტორიული ფაქტები და ისტორიის დიადი ფაქტი, რომლებსაც დრო და ისტორია ვერაფერს უშვება და ისინი მუდამ რჩებიან ცოცხალი მეხსიერებისა და, ასე განსაჯეთ, ჩვენი ცხოვრების ძირეულ ფაქტებად. როდესაც ზიარების დროს მღვდელი წარმოთქვამს ჩვენი უფლის სიტყვებს - „ამას იქმოდეთ მოსახსენებლად ჩემდა“ - ეს არა მხოლოდ ცოცხალი მეხსიერების, არამედ, ჩვენი მარადიული ცხოვრების საფუძველია. ამიტომაც, ქრისტეს ეკლესია, ყველაფერთად ერთად - ესაა, როგორც მერაბ მამარდაშვილი ამბობდა, - „მეხსიერების დიადი მანქანა“.

26/05/2022

14:25

ახალი-ბნელი ეპოქა

მსოფლიო ისტორიაში ტურბულენტური პერიოდები მეტ-ნაკლებად ყოველთვის იყო, შედარებით მშვიდობიანი და სტაბილური პერიოდი მსოფლიო ისტორიაში ძალიან იშვიათობა იყო, შეიძლება ჩაითვალოს რომ ეს პერიოდი იყო რომის პერიოდი ძვ.წ I საუკუნიდან, ა.ხ წ II საუკუნემდე (მარკუს ავრელიუსამდე), მეორე პერიოდი- 1871-1914 წლებში (ხანგრძლივი ევროპული მშვიდობა) და მესამე პერიოდი იყო ცივი ომის ეპოქა.

 

შესაბამისად, კაცობრიობის ბოლო 4000 წლიანი ისტორია რომ ავიღოთ, დაახლოებით 300-400 წელი იქნება სტაბილური, მეტ-ნაკლები მშვიდობის პერიოდი. ეს ჩვენთვის, იმ თაობისთვის, რომლებიც შევეჩვიეთ გლობალურ მშვიდობიანობის ეპოქაში ცხოვრებას და არ ვიმჩნევდით მნიშვნელოვან კატაკლიზმებს, არის ძალიან არაკომფორტული გასააზრებელი და ამიტომ, თვითმოტყუების რეჟიმში ვართ,  საკუთარ თავს ვაჯერებთ, რომ ეს კრიზისი გადაივლის და ყველაფერი ძველებურად გაგრძელდება.  

 

ამ დებულების მთავარი პრობლემა ისაა, რომ ისტორიას არ აქვს უკან დაბრუნების რეჟიმი. კი, ის რაღაც ფორმებს, რაღაც მოვლენებს მეტ-ნაკლები მსგავსებით იმეორებს, მაგრამ მას არ შეუძლია წარსულისკენ სვლა.

 

ჩვენ შევდივართ ახალ ეპოქაში, რომელსაც შეიძლება ვუწოდოთ ახალი „ბნელი ეპოქა“. ალბათ, ბევრ თქვენგანს მოეჩვენება რომ „ბნელი ეპოქა“ ხმამაღალი განაცხადია, მაგრამ მოდით მსოფლიო ისტორიაში ვნახოთ რას უწოდებდნენ ბნელ ეპოქას.

 

პირველი ასეთი პერიოდი იყო ე.წ ბრინჯაოას ხანის კრიზისი. ამ კრიზისამდე არსებობდა უძველესი ცივილიზაციები, რომლებსაც ჰქონდათ ჰქონდათ მაღალი კულტურა, მაღალი სამომხმარებლო დონე,  სადაც სურსათი და სამომხმარებლო პროდუქცია დეფიციტური არ იყო. ამ დროს რაღაც დიდი კატაკლიზმი იწყება და ცივილიზაციები ქრებიან, ხალხები იწყებენ მიგრაციას, ცხოვრების დონე საგრძნობლად ეცემა, კულტურა ვარდება, დამწერლობა ქრება, საზოგადოების მილიტარიზაცია იწყება და ა.შ. ზუსტად იგივე მოხდა ძველ საბერძნეთში კრეტა-მიკენის კულტურის დაცემის შემდეგ, იქაც იწყება ბნელი ეპოქა და მესამე ბნელი ეპოქა იწყება რომის იმპერიის დაცემიდან, კარლოს დიდამდე.

 

დღეს მსოფლიო იშლება მაკრო-ზონებად, სამომხარებლო ბაზარმა უკვე კორონა პანდემიის დროს იგრძნო თავის თავზე პირველი დარტყმები, ეხლა კი, როდესაც რუსეთ-უკრაინის ომი მიმდინარეობს და პროდუქტების დეფიციტია, ენერგორესურსების ფასი იზრდება, სამომხმარებლო საზოგადოება მაქსიმალურ დისკონფორტს გრძნობს.

 

მე, წინა პუბლიკაციებში არაერთხელ მისაუბრია არსებულ კრიზისზე და მის საერთაშორისო ასპექტებზე. ეხლა კი მინდა ერთ-ორი სიტყვა ვთქვა როგორი საზოგადოება შეიძლება ჩამოყალიბდეს ახალ „ბნელ ეპოქაში“, ამის ნიშნებს უკვე ვხედავთ დღეს:

 

1. ჩინური მოდელი - ჩინეთში უკვე დაიწყო ე.წ რეიტიგნგების სისტემის შექმნა, რაც ნიშნავს იმას, რომ მოქალაქეებს, რომლებსაც ექნებათ დაბალი რეიტინგი, მათ სოციალურ სიკეთეებზე აღარ მიუწვდებათ ხელი, ვერ იშოვიან სამსახურს და რეალურად გაწირული იქნებიან. ეს სისტემა აძლევს მართველ კლასს საზოგადოებაზე კონტროლის საკმაოდ მძლავრი მექანიზმი. ამას ემატება მკაცრი ვერტიკალური პოლიტიკური სისტემა, რომელსაც კრიზისების დროს შეუძლია საზოგადოების ეფექტური მართვა. უნდა ითქვას რომ ჩინური მოდელი, ჩინეთის მიღმა ვერ იმუშავებს, რადგან ცივილიზაციური ფაქტორებს გადამწყვეტი მნიშვნელობა ენიჭება

 

2. არქაო-მოდერნიზმი - აფრიკული სცენარი. აზროვნების ტოტალური არქაიზაცია, იმ დროს, როდესაც გარედან იკვებება სხვადასხვა მაღალი ტექნოლოგიებით. აფრიკის კონტინენტი მოსახლეობას ორ არჩევანს აძლევს: 1) ტოტალურ გასამხედროებულ ტრაიბალიზმში დარჩნენ, თავისი არქაული აზროვნებით და მოდერნიზმის იმ ფორმებზეც თქვან უარი, რა ფორმებიც კოლონიალურმა სისტემამ შემოიტანა; 2) მიგრაციის ახალი ტალღების გაძლება ჩრდილოეთისკენ (ევროპისკენ)

 

3. ისლამური სამყარო - აისისის მაგალთმა გვაჩვენა, რომ კრიზისის შემთხვევაში რეგიონში ყველაზე მნიშვნელოვანი პოლიტიკური და იდეოლოგიური ძალა არის ისეთი ისლამური იდეოლოგია, რომელიც ორი მიმართულებით ვითარდება: 1) მეგა-მილიტარიზაციისკენ და 2) საზოგადოების ტოტალურ კონტროლისკენ. ეს არის ახალი ისლამური ტოტალიტარიზმები, რომელიც უზრუნველყოფს საზოგადოებია მაღალ მობილიზებას და მის კონტროლს ახალ „ბნელ ეპოქაში“

 

4. ფაშიზმის აღზევება - რუსმა მარქსისტმა ბორის კაგარლიცკიმ რუსულ-უკრაინულ ომს, რუსულ იმპერიალიზმს, აღმოსავლეთ ევროპელების ანტირუსულ დისკურს და მათ მინი-იმპერიალისტურ ამბიციებს, ზოგადად რუსოფობიურ განწყობებს დასავლეთში უწოდა- „ფაშისტების შორის გარჩევები“. ლიბერალური საზოგადოება, რომელიც რეალურად სამომხმარებლო საზოგადოებაზეა დაშენებული, პროდუქტების დეფიციტურ ეპოქაში ვეღარ იარსებებს. რადგან მემარცხენეობა დასავლეთში წელშია გადატეხილი, ყველაზე ეფექტური საშუალება ამ კრიზისის მართვის დროს იქნება ფაშისტური და ნახევრად ფაშისტური რეჟიმების შექმნა, რომელიც მოახერხებს საზოგადოების მობილიზაციას და მართვას. ჩვენ უკვე თავად ევროპაში ვხედავთ ფაშისტურ ტენდენციებს. სხვადასხვა ნაციონალისტები უკვე ხმამაღლა ალაპარაკდნენ მათი „იმპერიების“ აღდგენაზე, მათი ერის გამორჩეულობაზე და ა.შ. არსებიული ეპოქა ფაშისტურ ძალებს არა მარტო რეაბილიტაციის, არამედ კვლავ სათავეში მოსვლის საშუალებას აძლევს (განსაკუთრებით კი ეს ევროპას ემუქრება)

 

5. კეთილდღეობის ზონების შენარჩუნება და იზოლაციონიზმის პოლიტიკები - გლობალურ კრიზისის დროს, ზოგიერთი ძველი განვითარებული სახელმწიფო შეინარჩუნებს კეთილდღეობის გარკვეულ სტანდარტებს. ესეთი სახელმწიფოები როგორც წესი, დიდი სახელმწიფო იქნება ევრაზიის კონტინენტის მიღმა, როგორიცაა აშშ-ი, კანადა, ავსტრალია. იზოლაციონიზმის პოლიტიკის გამკაცრება და მისი კარჩაკეტილობა იქნება ერთ-ერთი განმაპირობებელი კეთილდღეობის შენარჩუნების.

 

ეს ყველა რეჟიმი იარსებებს, გარკვეულ გეოპოლიტიკურ ქაოსში, სადაც დაპირისირებული მხარეების რაოდენობა საკმაოდ დიდია და სადაც აქტიურად მიმდინარეობს ლოკალური კონფლიქტები. ამ კრიზისებს ის საზოგადოება უპასუხებს ადეკვატურად, რომელიც შეძლებს მაღალი მობილიზაციის და დისციპლინის მექანიზმების გამოვლენას, ეს კი თავისი არსით ეწინააღმდეგება ლიბერალურ ცხოვრების წესს.  

26/05/2022

14:24

რა ფენომენია ნიკა გვარამია?

ის შეურაცხყოფდა ყველაფერს, ის მოწინააღმდეგეებს ბიომასას უწოდებდა, ის გვიფსამდა ღვინოსა და ბორჯომში, ის აგინებდა ქალს უშვერი სიტყვებით პირდაპირ ეთერში; მისთვის ოლიმპიური ჩემპიონი და ჭადრაკის ლეგენდა მხოლოდ იმიტომ ხდებოდა სალანძღავი, რომ ისინი უბრალოდ, „ნაცები“ არ არიან. ცხადია, საუბარია „მედია-მენეჯერ“ ნიკა გვარამიაზე - ფეიქ-კანტორის, „მთავარი არხის“ აწ უკვე ყოფილ დირექტორზე.

 


ნიკა გვარამია, ერთი შეხედვით, მარტივი და ბევრისთვის მომაბეზრებელი არსებაა. თუმცა, სინამდვილეში, იგი, როგორც კულტურულ-ეგზისტენციალური ფენომენი მეტად სიმპტომურია. ის წარმოადგენს დღევანდელი ეპოქის გაბატონებული ტრენდის - ლიბერალური-პოსტ-მოდერნიზმის განსხეულებას. მისი ფრაზა, რომ 21-ე საუკუნეს ფაქტები კი არა აღქმები წარმართავს, სწორედ პოსტ-მოდერნულობის (თუ დავაზუსტებთ, პოსტ-მოდერნის ვულგარული ნაირგვარობის) მამოძრავებელი პრინციპია. რა მნიშვნელობა აქვს იმას, რაც მოხდა? მთავარია ის, თუ როგორ ვაჩვენებთ ხალხს. მთავარია, ჭიქას ყურს საიდან მოვაბამთ! თუმცა, არა. ჭიქისთვის ყურის მობმა - ეს უფრო ინტერპრეტაციის ხელოვნებაა, უფრო საკუთარი პოზიციის მართებულობის ფართო მასებისთვის წარდგინების ხელოვნებაა. გვარამიას პოსტ-მოდერნიზმი კი არის ბანალურ „ფეიქებსა“ და ისტერიულობაზე აგებული, - უკიდურესად ვულგარული თვით პოსტ-მოდერნულობის სტანდარტების მხრივაც კი.

 


გვარამია არის პოსტ-მოდერნულობის იმ ხაზის გამგრძელებელი, რომელიც ებრძვის ყოველივე ტრადიციულსა და შინაარსიანს, - ცივილიზაციის იმ მონაპოვრებს, რომლებიც ადამიანს ადამიანობას უნარჩუნებს და ადამიანს ბიომასად (!) გადაქცევისაგან იცავს. რელიგიის ლანძღვა, ტრადიციაზე გავეშებული შეტევა, დამსახურებული ადამიანების პოლიტიკური ნიშნით ძაგება და დამუნათება - ეს პოსტ-მოდერნული შინაარსია. ხოლო გვარამიასეული ლამის მანიაკალური პერფორმანსები, უკიდურესი პანიკიორობა, ტირილი პირდაპირ ეთერში, ფქვილის სახეში შეყრა, გაუთავებელი ლანძღვა-გინება - ეს ვულგარული, აგრესიული პროვინციალიზმის მიერ მინიჭებული ფორმაა. მიზანი კი შურისძიებაა ცივილიზაციასა და კულტურაზე.

 


რა არის შურისძიება? მოდით ჩავიდინოთ მკრეხელობა და პრიმიტიული მედია-მენეჯერის ანალიზიდან ონტოლოგიის სფეროში გადავინაცვლოთ. ადამიანის არსებობა, მისი ყოველი წამი, ნაკლოვანებით არის ნაკურთხი. ჩვენი არსებობა ფუნდამენტურად ნაკლოვანია. ჩვენ ყოველთვის, მეტ-ნაკლები სიმძაფრით, განვიცდით ამ ნაკლოვანებას - უბრალოდ, ზოგიერთი ადამიანი ამ ნაკლოვანებას სრულფასოვნად იაზრებს და მას პროფესიული სრულყოფისა და ეთიკური ცხოვრების წინაპირობად გაიხდის, ზოგი კი ... ხდება გვარამია, ანთხევს გესლს, შურს, ბოღმას და ნაკლოვანებასთან გამკლავებას ტყუილებითა და სხვების დამცრობით ლამობს. ასეთები ნაკლოვანების პრინციპს გარემოზე შურისძიების წყაროდ აქცევენ.

 


არ უნდა ვიფიქროთ, რომ გვარამია ცალკე აღებული შემთხვევაა - არა, ის ეპოქის სიმპტომია, მისი გარდაუვალი ეგზემპლიარია - იმ ეპოქის, რომლის მედია-აქტორები ეკრანებიდან  სიყალბესა და ღვარძლს აფრქვევენ. სწორედ ასეთებზე თქვა თავის დროზე ნიცშემ: „ისინი ანთხევენ ნაღველს და ამას უწოდებენ გაზეთს“. მაშინ, მეცხრამეტე საუკუნეში, ნიცშემ იმ ეპოქის ნიშნები ამოიცნო, რაც ჩვენ, ციფრული-საინფორმაციო კულტურის შვილებს საერთოდ აღარ გვაკვირვებს - მედია-მენეჯერები, სიცრუის გენერირება, პიარის დიქტატურა, რეალობის გაუქმება და ვირტუალურის გაბატონება.
დავუბრუნდეთ გვარამიას. ის, როგორც ვთქვით, ამავე დროს, არა ლიბერალური მოვლენა. მისი ესთეტიკა, მისი სოლიდარობა ლგბთ თემისადმი, მის მიერ განსხვავებული აზრისთვის „რუსეთუმეობის“ ისტერიული წოდება - ეს ყველაფერი გვარამიას იმ გლობალური ტრენდის ნაწილად აქცევს, რაც მთელს პლანეტაზეა გამეფებული. არგუმენტირებული დისკურსის ნაცვლად სხვათა აზრის დამუნათება, „მოღალატის“ და „აგენტის“ დაუფიქრებლად წოდება, პიარ-ტექნოლოგიის ლიბერალური დიქტატი, ნეო-ტრაიბალიზმი, რომლის მიხედვითაც, ვინც ჩვენს ტომშია კარგია, ვინც არა - ცუდი. აი, ეს ის ლიბერალური ტრენდია, რაც გამეფებულია, ხოლო ნიკა გვარამია მისი ერთი თვალსაჩინო ეგზემპლიარია! ამ თვალსაჩინოებას კი, ცხადია, მენტალური პროვინციალიზმი განაპირობებს, - ანუ ჩვენს თანამოქალაქეთა ნაწილში გამეფებული მიდრეკილება, რომ ხარბად დაეწაფონ „ცენტრში“ გამეფებულ ტენდენციებს, ხოლო ცოცხლად ყოფნით გამოწვეული გარდაუვალი ნაკლოვანების განცდა (ეგზისტენციური უფსკრული) მზა იდეოლოგიური ფორმულებით შეავსონ. ამით ისინი თავს მიანებებენ დემონს, რომელიც ადამიანს ბიომასად აქცევს, აუქმებს რა პიროვნულობისა და სინდისის რეგისტრებს. 
 

23/05/2022

15:23

ახალი მსოფლიო წესრიგი

მსოფლიო ისტორია საკმაოდ დინამიურია და ძალთა ბალანსი ხშირად იცვლება. ისტორიას ახსოვს ვესტფალიის სისტემა, სადაც ჩამოყალიბდა ევროპულ სახელმწიფოებს შორის ძალთა ბალანსის პრინციპი, ერი-სახელმწიფოს პრიმატი, სახელმწიფოებს შორის თანასწორობის სამართალი და ა.შ. ამ სისტემამ იარსება ნაპოლეონის დამარცხებამდე, რომლის შემდეგაც ჩამოყალიბდა ახალი ვენის საერთაშორისო სისტემა. ვენის სისტემამ დიდ კოალიცებს დაუდო საფუძველი, რომლის შედეგადაც ყალიბდებოდა ახალ-ახალი კავშირები (ანტანტის და სამთა კავშირი) რომლის ძალთა ბალანსზე ყალიბდებოდა საერთაშორისო ურთიერთობები.

 

 პირველ მსოფლიო ომის შემდეგ ჩამოყალიბდა ახალი ვერსალ-ვაშინგტონის სისტემა, ამ სისტემამ იარსება მეორე მსოფლიო ომამდე, მეორე მსოფლიო ომის შემდეგ ჩამოყალიბდა უკვე იალტა-პოსტდამის სისტემა, რამაც რეალიურად ორ ზე-სახელმწიფოს აშშ-ის და სსრკ-ს შორის გაყო მსოფლიო გავლენები. 1991 წელს სსრკ-ს დაშლის შემდეგ კი კვლავ ახალი სისტემა ყალიბდება, რომელიც აშშ-ის ჰეგემონიაზე დგას. ეს სისტემა დღეს ჩვენ თვალწინ ინგრევა. თქვენ თუ დააკვირდებით ამ საერთაშორისო სისტემებს, ნახავთ რომ მთავარი მოქედი პოლიტიკური სუბიექტები ევროპული (დასავლური) ცივილიზაციის სახელმწიფოები იყვნენ, რომლებთაც საერთო ცივილიზაციური, პოლიტიკური ღირებულებები ჰქონდათ მეტ-ნაკლები განსხვავებებით. დანარჩენი კონტინენტები ამ სისტემას ერგებოდნენ. დღეს კი სიტუაცია შეცვლილია, დღეს გაჩნდნენ ძლიერი არადასავლური სახელმწიფოები, ძლიერი ეკონომიკებით, მაღალი ტექნოლოგიებით და საკუთარი ცივილიზაციური იდენტობით.

 


რუსეთ-უკრაინის ომი პირველი არა, მაგრამ ყველაზე მნიშვნელოვანი ბზარი იყო არსებული საერთაშორისო სისტემის ნგრევის პროცესში. ჩვენ ვხედავთ, რომ რუსეთის წინააღმდეგ სანქციებს ევროპელები კი შეუერთდნენ, მაგრამ აზიის, სამხრეთ ამერიკის და აფრიკის სახელმწიფოები არ შეურთდნენ. ჩვენ ვხედავ ამ სიტუაციაში, რომ ყველა დიდი სახელმწიფო ექსკლუზიურად საკუთარ ინტერესებიდან მოქმედებს და ყველა არ ემორჩილება აშშ-ის მითითებებს.
იწყება ის, რაც თავის დროზე იმანუელ ვალერშტაინმა იწინასწარმეტყველა, ლიბერალური ჰეგემონიამ კაცობრიობა მიიყვანა სხვდასხვა ზონების შექმნამდე. მრავალპოლუსიანი სისტემა ჩვენ თვალწინ ყალიბდება.

 


ახალი სამყაროს როგორი სურათი იხატება დღეს?


1. ჩვენ ვხედავთ გლობალურ ვაჭრობის ცვლილებებს, რაც გამოიწვევს ძველი გლობალიზაციის პერეფორმატირებას. რუსეთისადმი ეკონომიკური სანქციების დაწესებით, აღმოჩნდა რომ რუსეთს აქვს ის ბუნებრივი რესურსები, რომელიც ესე ჭირდება განვითარებულ დასავლეთს. კონკრეტულად რუსეთს აქვს ენერგორესურსები, მას აქვს ურანის მარაგი, ხე-ტყის მარაგი, რკინის და ძვირფასი ლითონის მარაგი და რაც მთავარია რუსეთს აქვს სასოფლო სამეურნეო მარაგი. მას შემდეგ რაც რუსეთმა და ინდოეთმა მიიღეს გადაწყვეტილება, რომ ხორბალს, სიმინდს არ გაიტანენ ექსპორტზე, ევროკავშირში დაიწყეს საუბარი მოსალოდნელ შიმშილზე. ამ პოლიტიკის შედეგად, ქვეყნები იძულებულები იქნებიან მიმართონ ავტარქიულ ეკონომიკას, რაც გამოიწვევს ძველი გლობალური ვაჭრობის სისტემის მოშლას.
2. რუსეთზე სანქციების დაწესებით, ევროკავშირის ქვეყნებში (გერმანიაში და ა.შ) სახელმწიფომ მოქალაქეეებს მოუწოდა ეკონომიურად მოეხმარად გაზი, უფრო თბილად ჩაეცვათ და ა.შ.  პროდუქციის დეფიციტი, ყველაზე მეტად ურტყავს თანამედროვე კონსუმერულ საზოგადოებას, რომელიც შეეჩვია მოხმარების მაღალ დონეს. როგორც ევროპაში, ისე რუსეთში საზოგადოების ყველაზე კონსუმერული ნაწილი ამ მოვლენებს ყველაზე მძიმედ გადაიტანს. ჩვენ უკვე დღეს ვხედავთ კონსუმერული საზოგადოების მიგრაციებს, როგორც რუსეთიდან, ისე დასავლეთიდანაც. სახელმწიფოები იძულებულები იქნებიან სხვა ტიპის საზოგადოება შექმნან და დაეყრდნონ მათ.
3. საინფორმაციო სივრცეში უკვე დღეს ვხედავთ გლობალიზაციის პირველ ბზარებს. ჩინეთი საკუთარ ინტერნეტს ქმნის, რუსეთმა დაანონსა საკუთარი ინტერნეტის შექმნა. ჩვენ ვხედავთ რომ რუსეთ-უკრაინის ომის დაწყებისას, რუსული არხები, სოციალური მედია დაიბლოკა. ეს პროცესი ბიძგს მისცემს ჩაკეტილი საინფორმაციო სისტემების შექმნას. გლობალურ საინფორმაციო სივრციდან ჩვენ გადავდივართ, რეგიონალურ და ცივილიზაციურ საინფორმაციო სივრცის შექმნამდე. ეს კი პირველი და მთავარი ნიშანია, რომ მსოფლიოში ჩამოყალიბდება სხვადასხვა ტიპის აზროვნება, სხვადასხვა ტიპის წარმოდგენები და ის უნივერსალური პრინციპები, რასაც ამდენი ხანი ვიყავით შეჩვეული, იქნება ეს „ადამიანის უფლებები“, წარმოდგენა ჰუმანიზმზე, წარმოდგენა სიკეთეზე და ბოროტებაზე აღარ იარსებებს, მას შეცვლის ცივილიზაციური წარმოდგენები
4. ლიბერალიზმი რომელიც ამ გლობალიზაციის სისტემაზე და სამომხარებლო საზოგადოებაზე დგას, დეფიციტურ ეკონომიკის და ფრაგმენტირებულ სამყაროს პირობებში ვეღარ იქნება წამყვანი პოლიტიკური იდეოლოგია. ისეთი სახელმწიფოები, რომლებსაც უნარი ექნებათ მოახდინონ საზოგადოების ხანგრძლივი მობილიზაცია, ის სახელმწიფოები აღმოჩნდებიან ყველაზე ეფექტურები. შესაბამისად უნდა ველოდოთ საზოგადოებაზე კონტროლის მექანიზმების გაზრდას, იმ თავისუფლებების შეზღუდვას რაც აქამდე ნორმად ითვლებოდა.

 


ყველა ეს ცვლილება რადიკალურად ცვლის სამყაროს და კაცობრიობას. ჩვენ შევდივართ ეპოქაში, რომელიც წააგავს XV-XVI საუკუნეებს, როდესაც ჩნდებოდნენ ახალ-ახალი ძლიერი პოლიტიკური სუბიექტები და მათ შორის გაუთავებელი დაპირისპირებები იყო. შესბაამისად ერთი რამ ცხადი: მშვიდობიანი ეპოქა მთავრდება, გეშინოდეთ ახალი დროების!
 

18/05/2022

15:02

ომი რომელიც თავს არ გვანებებს

ომის დაწყება ადამიანებში ერთგვარ სასოწარკვეთას იწვევს. ეს განწყობა კი მშვიდობის ერთობ ადამიანური სურვილითაა ნაკარნახევი - იმედით, რომ „ომი ახლა მაინც არ მოხდება“. ადამიანს, როგორც გონიერ არსებას, სურს მშვიდობა, და ეს სავსებით გასაგებია. თუმცა, როგორც მეოცე საუკუნემ დაგვიდასტურა, ადამიანის გონივრული ნაწილი მისი სულიერი სამყაროს მხოლოდ მცირე შემადგენელია. ხშირად, ადამიანის სულს არაცნობიერის სიღრმეებიდან დაძრული ომის გენია მოიცავს. ომის გენია, ეს სტიქიური ძალა, შეგვახსენებს იმას, რისი დავიწყებაც გვსურს ჩვენ, ვით მშვიდობის მოსურნე გონიერ არსებებს: ქმნადობა და სიცოცხლის დაუოკებელი ძალა, მუდამ მიისწრაფვის ახლებური ფორმაციებისკენ, ძალთა ახლებური ბალანსებისკენ, რომლებიც მშვიდობით მყარდებიან, რათა მოგვიანებით კვლავ ომით იქნენ დარღვეულნი. 

04/04/2022

16:21

სხვადასხვა
ყველა
„ვივამედი“: კითხვის ნიშნებს ბადებს ცალკეული ექიმების მხრიდან რეალობას მოწყვეტილი ისტერიული ინფორმაციის ტირაჟირება, თითქოს მიხეილ სააკაშვილი არ არის კონტაქტური და ვერ გადაადგილდება

აბსურდული და შეურაცხმყოფელია ინფორმაციის გავრცელება, რომ „ვივამედს“ არ შესწევს უნარი, დასვას დიაგნოზი და მართოს პაციენტი, მიუღებელია კლინიკაზე და ექიმებზე ზეწოლა, – აცხადებენ კლინიკა „ვივამედში“, რომელშიც ყოფილი პრეზიდენტი მიხეილ სააკაშვილი არის მოთავსებული.

24/05/2022

19:36

მიშა მშვილდაძე: უნდა შევიკრიბოთ და დავლეწოთ კანცელარია

გადადგება? - თეკლეს და არ გადადგება და უნდა შევიკრიბოთ და დავლეწოთ, - წერს სოციალურ ქსელში პროდიუსერი მიშა მშვილდაძე და საზოგადოებას საპროტესტო აქციისკენ მოუწოდებს, რომელიც პრემიერ-მინისტრის გადადგომით უნდა დასრულდეს, თუ სასურველი შედეგი არ დადგენა - შევიკრიბებით და დავლეწავთ კანცელარიას.

 

04/04/2022

19:19

ანალიტიკა
ყველა
ავტორიზაცია
დაგავიწყდა?
ან
არ ხარ მომხმარებელი?
დარეგისტრირდი
ასევე გაძლევთ უნარი დაამატოთ ასე მარტივად ეწეროს ტექსტი და ასევე არ მაქვს
ზოგადი შეცდომის ტექსტი
ზოგადი შეცდომის ტექსტი
ზოგადი შეცდომის ტექსტი
მიდიხართ ოქტომბრის არჩევნებში ?
დიახ
25%
არა
75%