ვატიკანის საიუბილეო დღეებში საქართველომ პირველად მიიღო მონაწილეობა. რომის პანთეონში პირველად შესრულდა ქართული მუსიკა, - განაცხადა კულტურის მინისტრმა, თინათინ რუხაძემ.

„დღეს საქართველოსთვის ისტორიული დღეა - ვატიკანის საიუბილეო დღეებში საქართველომ პირველად მიიღო მონაწილეობა. რომის პანთეონში პირველად შესრულდა ქართული მუსიკა. ეს იყო ქრისტიანობის 1700-წლიანი ისტორიის მქონე ქვეყნის ღირსეული წარდგენა.

დღევანდელი გამოსვლით კიდევ ერთხელ დავამტკიცეთ, რომ ჩვენი მუსიკა, როგორც უძველესი, მდიდარი, თვითმყოფადი კულტურის ნაწილი, ხმამაღლა უნდა ჟღერდეს მთელ მსოფლიოში“, - დასძინა თინათინ რუხაძემ.

კულტურის სამინისტროს მხარდაჭერით, ვატიკანის საიუბილეო თარიღთან დაკავშირებით, რომის პანთეონში გორის ქალთა კამერული გუნდის სოლო კონცერტი გაიმართა.