რუსული პრესა გიორგი შენგელაიაზე: მის შემოქმედებაში იგრძნობოდა ბრაზიც და სინაზეც, ბოროტებაც და უსაზღვრო სიკეთეც

0
60

რუსული პრესა ქართველი კინორეჟისორისა და მსახიობის გიორგი შენგელაიას გარდაცვალებაზე წერს: გაზეთ „კომერსანტის“ დღევანდელ, 18 თებერვლის ნომერში გამოქვეყნებულია სტატია-ნეკროლოგი სათაურით „გაორებული ქართული გზა“ (ავტორი – მიხეილ ტროფიმენკოვი).

პუბლიკაციაში გაანალიზებულია გიორგი შენგელაის ცხოვრებისეული გზა, მისი შემოქმედება, მისი ფილმები. „გიორგი შენგელაია ქართული კინოს „ახალ ტალღას“ წარმოადგენდა. იგი საქართველოს ყველაზე რადიკალურად უმღეროდა, მას თავისი ქვეყანა ყველაზე რადიკალურად უყვარდა, მაგრამ ასევე ყველაზე რადიკალურად აკრიტიკებდა.

ქართული კინო – ერთი დიდი ოჯახია და ეს მეტაფორა არ არის. გიორგი შენგელაია და მისი უფროსი ძმა, ასევე გამოჩენილი რეჟისორი ელდარ შენგელაია ქართული საბჭოთა კინოს ფუძემდებლების – ნიკოლოზ შენგელაიასი და ღვტაებრივი მსახიობის – ნატო ვაჩნაძის შვილები არიან. სოფიკო ჭიაურელზე ქორწინებამ გიორგი შენგელაია მიხეილ ჭიაურელთან – კინოსტალინიანის მამასთან და მის ცოლთან – ვერიკო ანჯაფარიძესთან დაახლოვა. შესაბამისად, გიორგი შენგელაია დაუახლოვდა ვერიკო ანჯაფარიძის დისწულს გიორგი დანელიას. უნიკალური შემთხვევაა, როცა ნათლიმამობა დიდი და შეუდარებელი ტალანტების აყვავების სინონიმი ხდება“, – წერს ავტორი და აღნიშნავს, რომ გიორგი შენგელია მკვეთრად გაორებულ ტალანტს წარმოადგენდა – მის შემოქმედებაში იგრძნობოდა ბრაზიც და სინაზეც, ბოროტებაც და უსაზღვრო სიკეთეც.

სტატიაში მიმოხილულია გიორგი შენგელაიას ფილმები „ალავერდობა“, „ფიროსმანი“ „ვერის უბნის მელოდიები (რომელიც ჰოლივუდის სტანდარტებითაა გადაღებული), „ახალგაზრდა კომპოზიტორის მოგზაურობა“, „სიყვარული ყველას უნდა“, ხარება და გოგია“ და სხვები. ავტორი აღნიშნავს, რომ გიორგი შენგელაიას ფილმებმა საქართველოში და საბჭოთა კავშირში საყოველთაო სიყვარული მოიპოვა.

წყარო: https://www.kommersant.ru/doc/4259072?query=%D0%B3%D1%80%D1%83%D0%B7%D0%B8%D1%8F

LEAVE A REPLY

Please enter your comment!
Please enter your name here