რომელიმე სასკოლო მოდელის ქართულ საგანმანათლებლო სისტემაში პირდაპირ გადმოტანა  პედაგოგ გია მურღულიას აბსურდულად მიაჩნია.

გია მურღულიამ რადიო "სივრცესთან" საუბრისას აღნიშნა, რომ როდესაც ესა თუ ის ქვეყანა კონკრეტულ მოლედს ქმნის, ითვალისწინებს საკუთარ მოცემულობას, შესაძლებლობას, საზოგადოებრივ კულტურას და ხალხის მენტალიტეტს.

გია მურღულიამ კარგ მოდელებს შორის დაასახელა  ფინური, კანადური, ასევე სინგაპურის სისტემა და აღნიშნა, რომ ეს მოდელებიც კი ერთმანეთისგან განსხვავებულია.

,,ზოგი ძალიან ცენტრალზიებული სისტემაა, ზოგი აბსოლუტურად დეცენტრალიზებული, ზოგი აქცენტს აკეთებს გარკვეულ სტანდარტებსა და პირობითობაზე, ზოგი საერთოდ არა“ - განაცხადა მურღულიამ.