უკრაინის პრეზიდენტი ვოლოდიმირ ზელენსკი აღნიშნავს, რომ ანდრეი სიბიგასგან მიიღო ინფორმაცია საქართველოს საგარეო საქმეთა მინისტრთან კომუნიკაციის შესახებ.

„ჩვენ მივისწრაფვით ურთიერთობების ნორმალიზებისკენ და თანამშრომლობისკენ ურთიერთპატივისცემისა და ურთიერთგაძლიერების საფუძველზე. მზად ვართ ერთმანეთისკენ ნაბიჯების გადასადგმელად“, – წერს ზელენსკი სოციალურ ქსელ იქსში.

უკრაინის საგარეო საქმეთა მინისტრ ანდრეი სიბიგასა და საქართველოს საგარეო საქმეთა მინისტრ მაკა ბოჭორიშვილის შეხვედრა მოლდოვაში, ევროპის საბჭოს მინისტრთა კომიტეტის მინისტერიალის ფარგლებში გაიმართა.