ეროვნული უსაფრთხოების საკითხებში აშშ-ის პრეზიდენტის მრჩევლის მაიკ უოლცის განცხადებით, კონფლიქტის მოგვარებაზე მოლაპარაკებების ფარგლებში, ტერიტორიული საკითხები და უკრაინაში ევროპული ძალების არსებობის პერსპექტივა განიხილება. 

Fox News-ის ჟურნალისტის შეკითხვაზე, განიხილება თუ არა მოლაპარაკებების დროს შემდეგი თემები: უკრაინასა და შეერთებულ შტატებს შორის გარიგება მინერალური რესურსების შესახებ, ევროპული ძალების ყოფნა უკრაინაში, რეგიონების [მათ შორის, დონბასის] ბედი, სადაც ძირითადად რუსულენოვანი მოსახლეობაა, მაიკ უოლცმა უპასუხა:

"თქვენ არანაირად არ ცდებით. ჩვენ ამ ყველაფერს ორივე მხარესთან განვიხილავთ: რუსებთან და უკრაინელებთან", - თქვა უოლცმა Fox News-თან ინტერვიუში.