ხელვაჩაურში, მამთილის მიერ მოკლული ქალის დეიდა აცხადებს, რომ მამაკაცი ხშირად იღებდა ალკოჰოლს და მას ფსიქიკური პრობლემები ჰქონდა.

გარდაცვლილის დეიდის თქმით, მამაკაცი ფსიქიატრიულ დაწესებულებაშიც იყო მოთავსებული. დეიდა აღნიშნავს, რომ ამის შესახებ მთელმა სოფელმა იცოდა, ასევე, ინფორმირებული იყო პოლიციაც.

"საგიჟეთში ჰყავდათ 10 დღე, ყველას ეჩხუბებოდა, სულ პოლიცია მოდიოდა, სულ ვეხვეწებოდი მაგ არანორმალურს, მოაშორეთ ეს თოფი-თქო. შემოვიდა სამზარეულოში და უკან ზურგიდან ესროლა თოფი,"- აცხადებს გარდაცვლილის დეიდა.

საზარელი მკვლელობა აჭარაში გუშინ მოხდა. შსს-ს ინფორმაციით, ცხელ კვალზე დააკავეს 63 წლის მამაკაცი. მას 10-დან 15 წლამდე პატიმრობა ელის.