"რუსებზე მქონდა მიქირავებული, სარემონტო სამუშაოებს ატარებდნენ..." - ამის შესახებ რესტორან "ვოქსის" მეპატრონემ, ხვიჩა შარაშიძემ განაცხადა. მისი ინფორმაციით, მიმდინარე სარემონტო სამუშაოების გამო, რესტორანი დაკეტილი იყო. შესაბამისად, არავინ დაშავებულა.

როგორც ცნობილია, წუხელ, ბათუმში მდებარე რესტორან “ვოქსში” ხანძარი გაჩნდა. 

ცეცხლი მაღალსართულიანი საცხოვრებელი კორპუსის ბოლო სართულს მოედო და მოსახლეობის ევაკუაცია გახდა საჭირო. ხანძრის შედეგად არავინ დაშავებულა. 

ხანძრის გამომწვევ მიზეზებზე დაწყებულია გამოძიება და მომხდარზე უფრო მეტი ინფორმაცია მოგვაინებით გახდება ცნობილი.