რომის პაპმა ლეონ XIV-მ კათოლიკური ეკლესიის ახალ ეპისკოპოსებს მოუწოდა, მღვდლების მიერ განხორციელებულ სექსუალური ძალადობის ფაქტებს დაუპირისპირდნენ და არ დაფარონ არცერთი ბრალდება არასათანადო მოპყრობის შესახებ.

„[ბრალდებები] არ შეიძლება, რომ უჯრაში ინახებოდეს. ასეთი შემთხვევები თანაგრძნობითა და სამართლიანობით უნდა განიხილებოდეს - როგორც მსხვერპლთა, ასევე ბრალდებულების მიმართ. 

სასულიერო პირებმა უნდა განაახლონ კავშირი სამყაროსთან, რათა უპასუხონ ჩვენი დროის მამაკაცებისა და ქალების მიერ დასმულ კითხვებს. 25 წლის წინ სემინარიაში შესწავლილი მზა პასუხები ამისთვის საკმარისი არ არის“, - განაცხადა პაპმა დახურულ კარს მიღმა 200 ეპისკოპოსთან ერთად გამართულ შეხვედრაზე.