2008 წელს გაერთიანებული შტაბების ხელმძღვანელმა ზაზა გოგავამ პარლამენტის დროებითი საგამოძიებო კომისიის სხდომაზე, სადაც 2004 - 2008 წლებში საქართველოს ოკუპირებულ ტერიტორიებზე შექმნილი ვითარება და 2008 წლის აგვისტოს ომი განიხილება, უპასუხა კომისიის წევრის თენგიზ შარმანაშვილის კითხვას, კერძოდ ეთანხმება თუ არა ევროსაბჭოს  1633 რეზოლუციაში აღწერილ სამხედროების როლს. 

როგორც გოგავამ აღნიშნა, ის არ ეთანხმება რეზოლუციის მუხლს სამხედროებთან მიმართებაში. 

„არ ვეთანხმები მაგ აზრს, თქვენ მხარეს ვარ მაგაზე, რომ მაგ მუხლს მე არ ვეთანხმები სამხედროებთან მიმართებაში. დანარჩენი შეგიძლიათ იმ ადამიანებს კითხვა დაუსვათ და რის გამო გააკეთეს კითხოთ მათ. რა მიიღეს აქედან შედეგი აი ეს კითხოთ“, - განაცხადა ზაზა გოგავამ.