აშშ-ის პრეზიდენტმა, დონალდ ტრამპმა ხელოვნურ ინტელექტზე ორიენტირებული ახალი სამუშაო ჯგუფის შექმნის შესახებ განაცხადა.
„სუპერინტელექტის ძალების“ სახელწოდებით შექმნილ ჯგუფს ეროვნული დაზვერვის დირექტორი, ჯეი კლეიტონი უხელმძღვანელებს. ტრამპის განცხადებით, სამუშაო ჯგუფის მიზანი იქნება უზრუნველყოს, რომ აშშ-მა ხელოვნური ინტელექტის განვითარებაში ლიდერის პოზიცია შეინარჩუნოს. ჯგუფი ასევე კოორდინაციას გაუწევს მთავრობის ურთიერთობას საზოგადოებასთან, მომხმარებლებთან, საზოგადოებრივი ინტერესების დამცველ ორგანიზაციებთან, რელიგიურ გაერთიანებებთან, კრიტიკული ინფრასტრუქტურის მიმწოდებლებთან და ხელოვნური ინტელექტის სფეროში მომუშავე კომპანიებთან.
სამუშაო ჯგუფის შექმნას წინ უძღოდა ტრამპის მიერ 29 სექტემბერს ხელმოწერილი აღმასრულებელი ბრძანება, რომლის მიხედვითაც აშშ-ში ხელოვნური ინტელექტის სახელწოდებად „სუპერინტელექტი“ უნდა გამოიყენონ.
ტრამპის გადაწყვეტილებას გამოეხმაურა ილონ მასკი. მასკმა სოციალურ ქსელში დაწერა, რომ მისი კომპანიის ხელოვნური ინტელექტის პლატფორმა SpaceXAI-ის სახელწოდება SpaceXSI-ით შეიცვლება.
„SpaceX სუპერინტელექტის კომპანიაა“, – დაწერა მასკმა.
0
0
