თანაგრძნობას ვუცხადებთ კათოლიკეებს საქართველოსა და მთელ მსოფლიოში რომის პაპის, ფრანცისკეს გარდაცვალების გამო, – ამის შესახებ აღნიშნულია „ქართული ოცნების“ საპატიო თავმჯდომარის, ბიძინა ივანიშვილის განცხადებაში.

„პაპი ფრანცისკე ყოველთვის მოწოდებული იყო მშვიდობისა და სიკეთის გავრცელებისკენ.

როგორც იმედის, თანაგრძნობის, მშვიდობისა და ერთიანობის სიმბოლო, პაპი ფრანცისკე კვლავ მაგალითი იქნება მილიონობით ადამიანისთვის.

გულწრფელ სამძიმარს ვუცხადებთ ყველას, ვინც გლოვობს ამ დიდ დანაკარგს“, – აღნიშნავს ბიძინა ივანიშვილი.

რომის პაპი ფრანცისკე 88 წლის ასაკში გარდაიცვალა.