დასავლეთის დაცემა – მსოფლიო წესრიგი ირღვევა

0
60

„მსოფლიო პოლიტიკოსთა უმსხვილესი შეხვედრა, რომელიც პასუხისმგებელია თავდაცვისა და საგარეო პოლიტიკის საკითხებზე, გლობალურ კრიზისებთან დაკავშირებული პასუხების ძიებას მიეძღვნება. ერთი რამ უკვე ცხადია: ამერიკის შეერთებულმა შტატებმა და ევროპამ დაკარგა თავისი უპირატესობა”, – წერს გერმანული გამოცემა Handelsblatt-ი.

„უსაფრთხოების საკითხებთან დაკავშირებული კონფერენცია, რომელიც მიმდინარე კვირის ბოლოს, მიუნხენში გაიმართება, დასავლეთის უუნარობით იქნება დაღდასმული“, – აღნიშნავს ჟურნალისტი დონათა რიდელი.

კონფერენციის ხელმძღვანელის, ვოლფგანგ იშინგის თქმით, „დასავლეთი, რომელიც მსოფლიო წესრიგის საფუძველს წარმოადგენდა, წნეხის ქვეშ აღმოჩნდა“.

მოხსენებაში, რომელიც ორშაბათს იშინგერმა წარადგინა, საერთოდაც დასავლეთის დაშლაზეა საუბარი.

„აშშ და ევროპის სახელმწიფოები, როგორც მინიმუმ, დონალდ ტრამპის გაპრეზიდენტების შემდეგ, აღარ ისახავენ ერთიან მიზნებს”, – ნათქვამია სტატიაში.

„აღარც ევროპელები არიან ძველებურად ერთიანნი, როგორც ამას იმედოვნებდნენ ჰელმუტ კოლი და ფრანსუა მიტერანი ცივი ომის დასრულების შემდეგ. უნგრეთისა და პოლონეთის მემარჯვენე პოპულისტური მთავრობები აშკარად არ ასოცირდებიან მსოფლიოსთვის ღია, ლიბერალური დემოკრატიის კონცეფციასთან”, – მიუთითებს გამოცემა.

„აშშ-ს და ევროპის ეკონომიკა დიდი ხანია აღარ ამბობს გადამწვეტ სიტყვას მსოფლიოში, მათ აღმავლობის გზაზე მყოფ ჩინეთს და აზიას გაუცვალეს როლი. ამასვე მოწმობს, საერთაშორისო საკვლევი ცენტრის, Pew Research Center-ის მიერ ჩატარებული კვლევა, რომელიც მიუნხენის მოხსენებაშია ასახული”.

„კვლევის თანახმად, აშშ-ს, როგორც უცილობლად წამყვანი ეკონომიკის მქონე სახელმწიფოდ მხოლოდ სამხრეთ კორეელები, იაპონიისა და აშშ-ს მოქალაქეები მიიჩნევენ. ისეთ მნიშვნელოვან ევროპულ სახელმწიფოებში, როგორებიცაა გერმანია, საფრანგეთი და დიდი ბრიტანეთი, მიაჩნიათ, რომ თანამედროვე მსოფლიოს წამყვან ეკონომიკას უფრო ჩინეთი წარმოადგენს. ასეთივე მოსაზრება აქვთ მექსიკელებს, ბრაზილიელებსა და თურქეთის მოქალაქეებს. კენიასა და სამხრეთ აფრიკის რესპუბლიკაში, აშშ თანდათან კარგავს უწინდელ მნიშვნელობას, მაშინ როდესაც, ჩინეთი სულ უფრო მეტ მნიშვნელობას იძენს“, – ნათქვამია პუბლიკაციაში.

„მთლიანობაში, რესპოდენტთა 30-50% ამერიკის შეერთებულ შტატებსა და ჩინეთს უმნიშვნელოვანესი ეკნომიკების მქონე სახელმწიფოებად განიხილავს. ევროკავშირი კი მძლავრ ეკონომიკად მხოლოდ 13%-ს მიაჩნია“.

2014 წელს, რუსეთის მიერ ყირიმის ანექსიის შემდეგ, ევროპელებმა ასევე ვერ მოახერხეს ბრძოლისუნარიანი სამხედრო ბლოკის ფორმირება.

„უკიდურესად მაღელვებს ევროპის უუნარობა. ის ფაქტი, რომ ევროკავშირს, თავისი თითქმის 500-მილიონიანი მოსახლეობით, სხვადასხვა კრიზისების დროს არ შეუძლია საკუთარი ქმედუნარიანობის დემოსტრირება, უკიდურესად სამარცხვინოა. კაცმა რომ თქვას, რატომ არ უნდა შეგვეძლოს საკუთარი წვლილის შეტანა სირიის ომის დასრულებაში?“, – ამბობს იშინგერი.

კონფერენციის ორგანიზატორები იმედოვნებენ, რომ ღონისძიების მსვლელობისას ისინი შეეცდებიან ევროპელთა გამოცოცხლებას, მათ ამოქმედებას, მით უფრო, რომ თავყრილობაში პირველად მიიღებს მონაწილეობას საფრანგეთის პრეზიდენტი, ემანუელ მაკრონი.

„მაკრონს სურს ერთობლივი ბირთვული სტრატეგიის განხილვა. ერთი მხრივ იგი აუცილებლობად მიიჩნევს ბირთვული შეკავების გაძლიერებას, ევროპის ინტერესებიდან გამომდინარე, მეორე მხრივ, საფრანგეთის ბირთვული ძალები, არც კი კოორდინირებს NATO-სთან, რამაც სამომავლოდ უნდა უზრუნველყოს ევროპის დაცვა. ამავდროულად, მაკრონის მიზანს წარმოადგენს ბირთვული განიარაღების ინიცირება და ამ საკითხის პარტნიორებთან შეთანხმება.

მიუნჰენის მოხსენება ასევე მოიცავს ბრიტანეთის კვლევითი ცენტრის (IISS) ანალიზს, რომლის თანახმადაც, ამ ეტაპზე, ევროპას არ შეუძლია აშშ-ს დახმარების გარეშე ბალტიისპირეთზე რუსეთის შეტევის მოგერიება. ევროკავშირი არ ფლობს ქმედით მექანიზმს, მისი საზღვრების მახლობლად დაძაბულობის კერების ასალაგმად, რომ არაფერი ითქვას ახლო აღმოსავლეთსა და ჩრდილოეთ აფრიკაზე. ცუდად ვხდები, როდესაც თვალს ვადევნებ ვითარებას სირიაში, ერაყსა და ლიბიაში” – აცხადებს იშინგერი.

„ამერიკის შეერთებული შტატების გარეშე წარმოუდგენელია ევროპის დაცვა, რასაც კიდევ ერთხელ ნათლად აჩვენებს მიუნხენის მოხსენება”, – ასკვნის სტატიის ავტორი დონატა რიდელი.

წყარო: Handelsblatt

LEAVE A REPLY

Please enter your comment!
Please enter your name here