„ნაციონალური მოძრაობის“ მიერ საპარლამენტო საქმიანობის შეწყვეტას პარტია „გირჩის“ ლიდერი იაგო ხვიჩია გამოეხმაურა და აღნიშნა, რომ პარტია თვითდაზიანებით არის დაკავებული. 

მისივე თქმით, „ნაციონალური მოძრაობის“ მიერ არჩეული გზა დამაჯერებელი არ არის. 

„სწორი ვერ იქნება სტრატეგია, როცა ერთი დღე ხელისუფლებას ჰპირდები, რომ თუ მიხეილ სააკაშვილს გაუშვებენ, პარლამენტის ჩათვლით ყველაფერს დატოვებ და მეორე დღეს ამას აკეთებ იმ შემთხვევაში, როცა მიხეილ სააკაშვილს არ გაუშვებენ. ეს დამაჯერებლობას არ ქმნის. „ნაციონალური მოძრაობა“ საკუთარი თავის დაზიანებით უფრო არის დაკავებული, ვიდრე სხვა რომელიმე ოპონენტის“, - განაცხადა ხვიჩიამ.