გიგა ბოკერიასა და თამარ ჩერგოლეიშვილის მიერ პარტია „ევროპული საქართველოს" დატოვებას „ხალხის ძალაში“ ეხმაურებიან. როგორც პარტიის აღმასრულებელმა მდივანმა, გურამ მაჭარაშვილმა განაცხადა, დაშლილი „ნაციონალური მოძრაობის“ ნაწილებიც განაგრძობენ დაშლას, რაც ამ პარტიის ბუნების ნაწილია.

„ეს არის „ნაცმოძრაობის“ ბუნება. „ნაცმოძრაობა“ არის ფესვები და ხე, დანარჩენები - „ევროპული საქართველო“ იქნება, „ახალი“, ძველი თუ „ლელო“, ეს არის უკვე ამ პარტიის ყლორტები. ბუნება არის ასეთი, რომ იქ ერთიანობას ვერ იტანენ, არ არსებობს ერთმანეთის გატანა. შესაბამისად დაშლილი „ნაცმოძრაობის“ ნაწილებიც ცალ-ცალკე დაიშალა“, - აღნიშნა მაჭარაშვილმა.

გიგა ბოკერიამ და თამარ ჩერგოლეიშვილმა „ევროპული საქართველო“ დატოვეს.