ფილმ ,,კარიბის ზღვის მეკობრეების” 49 წლის მსახიობი ტამაიო პერი, ჰავაიზე სერფინგის დროს, ზვიგენის თავდასხმას ემსხვერპლა. აღნიშნული ინფორმაცია ჰონოლულუს სასწრაფო დახმარების სამსახურმა პრესკონფერენციაზე დაადასტურა.
BBC-ის ინფორმაციით, სამაშველო სამსახური შემთხვევის ადგილზე დაუყოვნებლივ მივიდა, თუმცა ტამაიო პერი, ნაპირზე ე.წ. ჯეტ თხილამურებით გამოყვანის შემდეგ, პარამედიკოსებმა გარდაცვლილად გამოაცხადეს. მსახიობს სხეულზე რამდენიმე ნაკბენი აღმოაჩნდა. 

ოაჰუს აღმოსავლეთ მხარეს დაბადებული პერი პროფესიონალურად სერფინგს ათ წელზე მეტი ხნის განმავლობაში მისდევდა. ის მსახიობობასთან ერთად, მაშველადაც მუშაობდა.

ტამაიო პერი „კარიბის ზღვის მეკობრეების“ მეოთხე ნაწილში - „უცნაურ ნაპირებზე“ - მონაწილეობდა.