ხვალ საქართველოს პირველად ეწვევა ევროკავშირის უმაღლესი წარმომადგენელი, ვიცე-პრეზიდენტი. ვიზიტის ფარგლებში განხილვის მთავარი თემა, ევროინტეგრაციის გზაზე ქვეყნის მიერ მიღწეული პროგრესი იქნება.

ვიდრე ჟოზეფ ბორელი ქართველ პოლიტიკოსებს შეხვდება, მმართველ გუნდში ევრო რეკომენდაციების შესრულებასა და მიღწეულ პროგრესზე საუბრობენ. გარდა ამისა, „ქართულ ოცნებაში“ ამბობენ, რომ დეპოლარიზაციის პუნქტი ცალმხრივად ვერ გადაწყდება.

სახელისუფლებო პარტიის განცხადებით, მათ ოპონენტებს ქვეყნის ევროინტეგრაცია არ სურთ. ოპოზიცია კი 12 პუნქტის სრულყოფილად შეუსრულებლობაში, საკუთარ დანაშაულს ვერ ხედავს და ისრებს ქართული ოცნებისკენ ისვრის. საქართველო ევროინტეგრაციის გზაზე პროგრესის პირველად ოფიციალურ შეფასებას, ოქტომბერში ელოდება.