ცოტა ხნის წინ ხმაური იყო კასპში, “ნაციონალური მოძრაობის” ერთ-ერთი წარმომადგენლის სახლთან, სადაც პარტიის თავმჯდომარე, ლევან ხაბეიშვილიც იმყოფება.

აქციის მონაწილეებმა სახლთან სამგლოვიარო გვირგვინი მიიტანეს და დეპუტატის მანქანას დაადეს.

აქციის მონაწილეები “ნაციონალური მოძრაობის” თავმჯდომარეს იმიტაციურად ემშვიდობებოდნენ: 

“ჩარჩოში ერთი სურათიც უნდა ჩაგვესვა…”, “ვაიმე, შე საცოდავო…", “რა ბიჭი იყავ…”  - ამბობენ აქციის მონაწილეები ვიდეოში, რომელსაც ტელეკომპანია “იმედი” სოციალურ ქსელში ავრცელებს.

ცნობისთვის, ამ წუთებში განახლდა პრემიერ-მინისტრის გამოსვლა პარლამენტში.

როგორც ირაკლი ღარიბაშვილმა განაცხადა, სასესიო დარბაზში ოპოზიცია აღარ იმყოფება, 

“როგორც ჩანს ”ქურქუმალ ვაითის" დასახმარებლად გაიქცნენ", - თქვა ღარიბაშვილმა.