ვინ არის აგრესორი, ვინ დამნაშავე ამას ისტორიამ უპასუხა, - ამის შესახებ „სტრატეგია აღმაშენებლის“ წევრმა პაატა მანჯგალაძემ განაცხადა.

„ეს არის გარჩეული, გასამართლებული, დადგენილია რა მოხდა, შეფასებულია, არავის ეჭვი არ ეპარება ევროპაში. თუ „ხალხის ძალას“ და „ქართულ ოცნებას“ ეჭვი ეპარება, ქართველი ხალხი გასცემს ამაზე პასუხს. ვინ არის აგრესორი, ვინ დამნაშავე ამას ისტორიამ უპასუხა“, - აღნიშნა მანჯგალაძემ.

„ხალხის ძალა“ კვლავ 2008 წლის რუსეთ-საქართველოს ომის გამოძიების მნიშვნელობაზე საუბრობს. მოძრაობის წევრები მორიგ განცხადებას აქვეყნებენ, სადაც სალომე ზურაბიშვილისა და „ნაციონალური მოძრაობის“ შეთანხმებაზე საუბრობენ. ამასთან, წერილში პარალელია გავლებული აგვისტოს ომსა და რუსეთ - უკრაინის ომს შორის.