ადამიანის უფლებათა ევროპულმა სასამართლომ რუსეთი დამნაშავედ ცნო ადამიანის უფლებების დარღვევებში მას შემდეგ, რაც მოსკოვმა ყირიმის ანექსია მოახდინა. ინფორმაციას ამის შესახებ ბრიტანული ტელეარხი Sky News-ი ავრცელებს.

ადამიანის უფლებათა ევროპულმა სასამართლომ (ECHR) განაცხადა, რომ რუსეთის ხელისუფლების ქმედებები მოიცავდა ისეთ დარღვევებს, როგორიცაა სიცოცხლის უფლების დარღვევა, არაადამიანური ან ღირსების შემლახველი მოპყრობის აკრძალვის დარღვევა, რელიგიის თავისუფლებისა და გამოხატვის თავისუფლების დარღვევა.

სასამართლოს დადგენილება რუსეთის ხელისუფლებას ავალდებულებს რაც შეიძლება მალე მიიღოს ზომები ყირიმიდან რუსეთში გადაყვანილი შესაბამისი პატიმრების უსაფრთხოდ დასაბრუნებლად.