როსტოვის აქტივისტმა და სახალხო დამცველმა ტატიანა სპორიშევამ რუსეთი დატოვა და საქართველოში გაემგზავრა. 

ის წარმოადგენდა ომის მოწინააღმდეგე აქტივისტის ანატოლი ბერეზიკოვის ინტერესებს, რომელიც გაურკვეველ ვითარებაში გარდაიცვალა დროებითი მოთავსების ცენტრში. 

მანამდე რუსეთი დატოვა მისმა ადვოკატმა ირინა გაკმაც - დაკავებულის გარდაცვალების შემდეგ ორივე დამცველი გაჩხრიკეს.

სპორიშევას თქმით, მან ემიგრაციაში წასვლის გადაწყვეტილება საქართველოს საზღვარზე მიიღო, სადაც ჩამოსვლას მხოლოდ დასასვენებლად გეგმავდა.

„სისხლის სამართლებრივი დევნის შიშით წამოვედი. მივხვდი, რომ ან უნდა გავჩუმდე, რაც ასევე არაფრის გარანტიას არ იძლევა, ან ქვეყნიდან წავიდე. შეშფოთება დადასტურდა, რადგან საზღვარზე არ სურდათ ჩემი შეშვება რუსეთიდან, ზემო ლარსის საგუშაგოზე სამ საათზე მეტ ხანს დამაყოვნეს“ - განაცხადა აქტივისტმა.

მისი თქმით, თავდაპირველად საქართველოში მხოლოდ დასვენებას გეგმავდა, მაგრამ საზღვარზე ხანგრძლივი შემოწმების შემდეგ რუსეთში დაბრუნებას არ აპირებს. 

ის აპირებს გააგრძელოს საჯარო გამოძიება ბერეზიკოვის გარდაცვალების საქმეზე, სადაც ის მოწმეა.