კასპის რაიონის სოფელ ნოსტეში, საგამოძიებო მოქმედებები გვიან ღამემდე მიმდინარეობდა, სადაც მაზლმა რძალი სავარაუდოდ , სადავო მიწის ნაკვეთის გამო მოკლა.

ადგილობრივების ინფორმაციით, გუშინ, ხანდაზმულმა მამაკაცმა კამათის შემდეგ სახლიდან სანადირო თოფი გამოიტანა და ძმის ცოლს ესროლა. 73 წლის ქალის ცხედარი გვიან ღამით ექსპერტიზის ბიუროში გადაასვენეს.

83 წლის მამაკაცი პოლიციამ ცხელ კვალზე დააკავა. ამოღებულია მკვლელობის იარაღი და სხვა მტკიცებულებები. ფაქტზე გამოძიება განზრახ მკვლელობის მუხლით მიმდინარეობს. ბრალის დამტკიცების შემთხვევაში 83 წლის გ.ბ.-ს 15 წლამდე პატიმრობა ემუქრება.