"საძაგლობაა ქალთან მიმართებით ასე მოქცევა... ბოდიშს ვუხდი მას ამის გამო", - ამის შესახებ "მთავარი არხის" გენერალურმა დირექტორმა, ნიკა გვარამიამ რუსთავის ციხის დატოვების შემდეგ სალომე ზურაბიშვილზე საუბრისას აღნიშნა.

“ვიდეოები, რომელსაც ძალიან დიდი ეჭვი მაქვს, რომ ამ დღეების განმავლობაში გამოიყენებენ მის წინააღმდეგ, მე არ მომწონს ჩემი თავი ამ ვიდეოებში. საძაგლობაა ქალთან მიმართებით ასე მოქცევა. მე ვწუხვარ ამის გამო და ბოდიშს ვუხდი მას ამის გამო”, - ამბობს ნიკა გვარამია. 

როგორც ცნობილია, წლების განმავლობაში, ნიკა გვარამია სალომე ზურაბიშვილს ვიდეოეთერებით უცენზურო სიტყვებით მოიხსენიებდა, სიტყვიერ შეურაცხყოფას აყენებდა და რამდენჯერმე, მის პირად ცხოვრებასაც  უხამსად შეეხო…

ცნობისთვის, სალომე ზურაბიშვილმა ნიკა გვარამია 22 ივნისს შეიწყალა.