მან „ლელოს“ ლიდერ მამუკა ხაზარაძეს და დეპუტატ სალომე სამადაშვილს მიმართა, თავის თავში ეპოვათ ძალა და სესიაზევე დაედასტურებინათ მსგავსი ფაქტები.

უმრავლესობის წევრის განცხადებას მამუკა ხაზარაძის გაღიზიანება მოჰყვა. იგი წამოდგა, ალუდა ღუდუშაურისკენ გაემართა და მას „უტიფარი“ უწოდა.

საპასუხოდ, ღუდუშაურმა უთხრა, რომ „სიმართლე მწარეა“ და მისი გაღიზიანება სწორედ ამას მოჰყვა.

სიტყვიერ დაპირისპირებაში დეპუტატები – ბადრი ჯაფარიძე და მიხეილ ყაველაშვილიც ჩაერთნენ, თუმცა ინციდენტი ფიზიკურ დაპირისპირებამდე არ მისულა.

სიტყვიერი დაპირისპირების შემდეგ მამუკა ხაზარაძემ პროტესტის ნიშნად დარბაზი დატოვა.