
ხალხი ახალი კონსტიტუციის წინააღმდეგ თუ მისცემს ხმას, მე გადავდგები რეფერენდუმის შედეგების ოფიციალური გამოქვეყნებიდან ერთი კვირის განმავლობაში, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.
სომხეთის მთავრობის ხელმძღვანელმა ოპოზიციას მიმართა, უზრუნველყოს საჭირო ექვსი ხმა რეფერენდუმის ჩასატარებლად.
„ამ შემთხვევაში, ჩვენ ჩავატარებთ რეფერენდუმს. ოფიციალურად ვაცხადებ: თუ ხალხი ახალი კონსტიტუციის წინააღმდეგ მისცემს ხმას – თუ ჩემი არგუმენტები ვერ დაარწმუნებს ჩვენს საზოგადოებას – მე გადავდგები რეფერენდუმის შედეგების ოფიციალური გამოქვეყნებიდან ერთი კვირის განმავლობაში. ასევე ოფიციალურად ვაცხადებ, რომ ხალხი თუ მხარს დაუჭერს კონსტიტუციას, მაშინ შემდეგ არჩევნებში, იქნება ეს რეგულარული თუ ვადამდელი, მე არ ვიყრი კენჭს პრემიერ-მინისტრის თანამდებობაზე“, – აღნიშნა ნიკოლ ფაშინიანმა.
სომხეთის პრემიერ-მინისტრის თქმით, ქვეყნის იუსტიციის სამინისტრო ახალი კონსტიტუციის ტექსტს 23 ნოემბერს გამოაქვეყნებს.
0
0