ნიკა გვარამია თავისუფალია.

სასამართლომ ნიკა გვარამიას 12 დღიანი პატიმრობა 6 დეკემბერს შეუფარდა. ის მარნეულის იზოლატორში იმყოფებოდა.

„თავისუფლებაზე ბევრად სჯობს, მაგრამ სადაც სხვები, იქაც მე. მიტინგზე მეც წავალ დღეს აუცილებლად. როგორც ვმუშაობდით, ისე ვიმუშავებთ პარტია. ამ პროტესტზე ვინც ვართ, ვიქნებით პოლიტიკოსები თუ სხვანი, ვართ როგორც ჩვენი ქვეყნის პატრიოტები, სხვებთან ერთად“, - განაცხადა გვარამიამ.

ნიკა გვარამია ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციელის კანონიერი მოთხოვნის დაუმორჩილებლობას გულისხმობს.

კოალიცია "ცვლილებისთვის" ლიდერი "დროას" ოფისთან 4 დეკემბერს, იმ დროს დააპატიმრეს, როცა ის შენობაში მიმდინარე ჩხრეკაზე დასწრებას იურისტის სტატუსით ითხოვდა.