ნატო-ს გენერალურმა მდივანმა იენს სტოლტენბერგმა მის მემკვიდრეს, ჰოლანდიის პრემიერ მინისტრს მარკ რუტეს ძლიერი ლიდერი და "ნამდვილი ტრანსატლანტიკოსი" უწოდა. ამის შესახებ Reuters იუწყება.

სტოლტენბერგმა განაცხადა, რომ თბილად მიესალმება რუტეს არჩევას ჩრდილოატლანტიკური ალიანსის ხელმძღვანელის პოსტზე.

„მარკი ნამდვილი ტრანსატლანტიკოსი, ძლიერი ლიდერი და კონსენსუსის შემქმნელია“, თქვა მან და დასძინა, რომ ნატო-ს კარგ ხელში ტოვებს.

ცნობილი გახდა, რომ ნატო-ს ელჩებმა ახალ გენერალურ მდივნად რუტე დაამტკიცეს. ის თავის მოვალეობას 2024 წლის ოქტომბერში შეუდგება.