ნატო-ს მომავალი გენერალური მდივნის პოსტზე ნიდერლანდების პრემიერ-მინისტრის მოვალეობის შემსრულებელი მარკ რუტეს კანდიდატურა დამტკიცდა. ამის შესახებ იუწყება რადიო თავისუფლების კორესპონდენტი რიკარდ იოზვიაკი.

რუტეს კანდიდატურა ბრიუსელში ნატო-ს ქვეყნების ელჩებმა დაამტკიცეს. ოფიციალური დანიშვნა სავარაუდოდ ივლისში ვაშინგტონში ორგანიზაციის სამიტზე გაიმართება. რუტეს უფლებამოსილების ვადა ხუთი წელი იქნება. ის ნატო-ს ამჟამინდელ გენერალურ მდივანს, ნორვეგიელ იენს სტოლტენბერგს შეცვლის.

Politico ადრე იტყობინება, რომ ჩრდილოატლანტიკური ალიანსის 32-ვე ქვეყანამ მხარი დაუჭირა რუტეს კანდიდატურას.

ბოლო ქვეყნები, რომელთა მხარდაჭერაც რუტეს სჭირდებოდა, იყო სლოვაკეთი და უნგრეთი. მათ მისი კანდიდატურა სამშაბათს, 18 ივნისს დაამტკიცეს