ეროვნული ბიბლიოთეკის დირექტორი, მწერალი გიორგი კეკელიძე სოფია კენჭიაშვილის პოსტს ეხმაურება და წერს:
"მხოლოდ ფაქტები - სალომე კენჭიაშვილზე რადიო თავისუფლების სიუჟეტი ვნახე. სპონტანურად მივწერე ჟურნალისტს და ვუთხარი, რომ ძალიან კარგი გოგოა და ვფიქრობ, რომ ურიგო არ იქნება სტიპენდია დავუნიშნო და ეგებ დამაკავშირო მეთქი. მომცა ნომერი, დავურეკე და ვახარე. მასაც გაუხარდა. საერთოდ არ ვიცოდი ვისი და იყო და ნათესავი. ან კი რა მნიშვნელობა ჰქონდა. სალომეს სტიპენდია დაერიცხა 17 მარტს (უკან დაგვიბრუნა გუშინ).
ამ ხნის მანძილზე მე ავიტანე საოცარ ცილისწამებათა კასკადი ამ ამბის გამო.
გუშინ სალომეს და წერს იმას, რასაც წერს - წაიკითხავდით ცხადია.
არცერთ მედიას არ მივცემ კომენტარს, მათ შორის მათაც, ვინც ცდილობს, რომ სტიპენდიატის წინააღმდეგ მალაპარაკოს - სალომე არის შესანიშნავი გოგო და იმსახურებს საუკეთესოს.
ჩვენ კი ვაგრძელებთ ჩვენს საქმეებს", წერს კეკელიძე.
როგორც ცნობილია, ტაეკვანდოში ორგზის საქართველოს ჩემპიონი და 8-9 მარტის აქციების მონაწილე სალომე კენჭიაშვილი უარს ამბობს მიიღოს სტიპენდია, რომლის ინიციატივაც ეროვნული ბიბლიოთეკის დირექტორს, გიორგი კეკელიძეს ეკუთვნის.
კეკელიძემ რამდენიმე დღის წინ თქვა, რომ მზად იყო დაენიშნა “წყლის ჭავლთან მოცეკვავე” სალომე კენჭიაშვილისთვის მარო მაყაშვილის სტიპენდია ერთი წლის განმავლობაში.
დღეს კი სტიპენდიაზე უარის გადაწყვეტილების შესახებ საჯარო პოსტი გამოაქვეყნა სალომეს უფროსმა დამ, სოფია კენჭიაშვილმა, რომელმაც გიორგი კეკელიძე სექსუალურ შევიწროებაში დაადანაშაულა.
0
0
