ზუგდიდში, მესხიას ქუჩაზე მომხდარ ფაქტთან დაკავშირებით შსს-მ გამოძიება სისხლის სამართლის კოდექსის 109-ე მუხლით დაიწყო.

აღნიშნული მუხლი დამამძიმებელ გარემოებებში ჩადენილ განზრახ მკვლელობას გულისხმობს.

დანაშაული 16-დან 20 წლამდე ან უვადო თავისუფლების აღკვეთას ითვალისწინებს. საგამოძიებო მოქმედებები კვლავ გრძელდება.

ცნობისთვის, ცოტა ხნის წინ ზუგდიდში 15 წლის მოზარდი ცივი იარაღით დაჭრეს. ის კლინიკაში მიყვანამდე გარდაიცვალა. 

თვითმხილველების თქმით, შემთხვევას წინ ურთიერთშელაპარაკება უძღოდა. მათივე ცნობით, ინციდენტის დროს ადგილზე რამდენიმე ათეული მოზარდი იმყოფებოდა. არსებული ინფორმაციით, დაკავებლია ერთი პირი.