რუსეთის პრეზიდენტმა უკრაინას 2022 წელს შეწყვეტილი სტამბოლის მოლაპარაკებების განახლება შესთავაზა - პუტინის თქმით, ის მზადა არის, მოლაპარაკებები 15 მაისიდან დამატებითი პირობების გარეშე დაიწყოს.

პუტინმა ბრიფინგი მის მიერ გამოცხადებული 3-დღიანი ცეცხლის შეწყვეტის შემდეგ, დაახლოებით, ერთსაათიანი დაგვიანებით გამართა და ჟურნალისტების კითხვებზე აღარ უპასუხია

  პუტინის განცხადებას მოლაპარაკებების განახლებაზე, წინ უძღოდა გერმანიის, საფრანგეთის, პოლონეთისა და ბრიტანეთის ლიდერების მიერ პრეზიდენტ ვოლოდიმირ ზელენსკისთან ერთად გაკეთებული მოწოდება რუსეთის მიერ უკრაინაში მიმდინარე ომის პირობებში უპირობო 30-დღიანი ცეცხლის შეწყვეტის შესახებ.

მათ გააფრთხილეს მოსკოვი, რომ პუტინის მხრიდან 30-დღიანი ზავის შესაძლო უარს ახალი, „მასშტაბური“ სანქციები მოჰყვება