„ლელოს“ წევრი ირაკლი კუპრაძე „ქრონიკასთან“ აცხადებს, რომ პარტიაში რაიმე ტიპის პოლიტიკურ გაერთიანებასთან დაკავშირებით მსჯელობა ჯერჯერობით არ ყოფილა.

„დეტალებზე მსჯელობა არ ყოფილა რაიმე ტიპის პოლიტიკურ გაერთიანებასთან დაკავშირებით. არც უახლოეს მომავალში მსგავსი მსჯელობა არ იგეგმება არცერთ პოლიტიკურ აქტორთან მიმართებით. „ლელოს“ ფორმულა არის ძალიან მარტივი - ინდივიდუალურ რეჟიმში გაძლიერება. ნიკა მელია არის კომფორტული სათანამშრომლო პოლიტიკური აქტორი „ლელოსთვის“, მაგრამ ეს არანაირად არ გულისხმობს რაიმე პოლიტიკურ გაერთიანებას“, - აღნიშნა კუპრაძემ.