საქართველოს ეროვნული საფეხბურთო ნაკრები ერთა ლიგის პირველ მატჩში დრამატულ ბრძოლაში დამარცხდა.
შეხვედრა "დინამო არენაზე" ჩრდილოეთ ირლანდიის წინააღმდეგ გაიმართა - საქართველომ გოლი მსაჯის მიერ დამატებულ ბოლო წამზე გაუშვა - 0:1.

მომენტები ორივე მხარეს ჰქონდა. 53-ე წუთზე კვარაცხელიას გადაცემით მიქაუტაძემ მეკარესთან პირისპირ შანსი ვერ გამოიყენა, ხოლო 64-ე წუთზე ხვიჩამ პენალტი ვერ გაიტანა. როდესაც მატჩი ლოგიკურ ფრედ მთავრდებოდა, სტუმრებმა ბოლო წამზე მაინც ისარგებლეს და სამი ქულა მოიპოვეს.

საქართველოს ნაკრები ერთა ლიგაზე მომდევნო შეხვედრას 28 სექტემბერს, ისევ „დინამო არენაზე“, უკრაინის წინააღმდეგ გამართავს.

ცნობისთვის, მატჩს მხოლოდ საფეხბურთო სკოლების მოთამაშეები ესწრებოდნენ.