უკრაინა ბრძოლის ველზე დინამიკას ცვლის, - ამის შესახებ ნატო-ს გენერალურმა მდივანმა, მარკ რუტემ ბრიუსელში, ნატო-ს თავდაცვის მინისტრების შეხვედრის დასრულების შემდეგ განაცხადა.

„უკრაინა რუსეთს ძალიან დიდ დანაკარგებს აყენებს, მაგრამ მათ ამის გაგრძელება მხოლოდ ჩვენი მხრიდან მხარდაჭერის გაძლიერების შემთხვევაში შეუძლიათ“, - განაცხადა მარკ რუტემ.

რუტემ აღნიშნა, რომ ალიანსმა „ყველაფერი უნდა გააკეთოს იმის უზრუნველსაყოფად, რომ უკრაინა ბრძოლაში რაც შეიძლება ძლიერი დარჩეს“.

ასევე, მისი თქმით, რუსეთი თავდაცვაზე სახელმწიფო ბიუჯეტის 48%-ს ხარჯავს.

„რუსეთთან დაკავშირებით მიამიტები არ უნდა ვიყოთ. ყველაფერი უნდა გავაკეთოთ, რათა გაიგონ, რომ ყველაზე დიდ შეცდომას დაუშვებენ, თუ ალიანსზე თავდასხმას შეეცდებიან“, - აღნიშნა რუტემ.