კიევის ოლქში 18 წლის ახალგაზრდა მამამ 2 თვის შვილი მოკლა. მან ბავშვს თავში ჩაარტყა და ტრავმის შედეგად ის გარდაიცვალა. ინფორმაციას „უნიანი“ ავრცელებს.

ტრაგედიის დღეს ბავშვის დედა მაღაზიაში გავიდა და მამა ბავშვთან ერთად დარჩა. მას 10 წლამდე პატიმრობა ემუქრება.

როგორც გამოძიებამ დაადგინა, როდესაც ქალი მაღაზიაში გავიდა, ბავშვმა ტირილი დაიწყო. ამ დროს მამამ ბავშვს თავში ჩაარტყა. სწორედ ეს გახდა გარდაცვალების მიზეზი. ამასთანავე, ახლგაზრდა კაცი სამართალდამცველების შეცდომაში შეყვანას შეეცადა. მან თავიდან განაცხადა, რომ ბავშვი იმიტომ გარდაიცვალა, რომ ის დროზე ადრე კლინიკიდან გამოწერეს, სადაც პნევმონიისგან მკურნალობდა.

დაკავებულს აღკვეთის ღონისძიების სახით 30-დღიანი პატიმრობა შეეფარდა.