ევროკავშირის უმაღლეს წარმომადგენემა, ევროკომისიის ვიცე-პრეზიდენტმა, ჯოზეფ ბორელმა, გურიაში, სტიქიის შედეგებთან დაკავშირებით მწუხარება გამოთქვა.

ბორელმა იმედი გამოთქვა, რომ სტიქიის დროს დაკარგულებს ჯანმრთელს იპოვიან.

„ნება მიბოძეთ, გამოვხატო გულისტკივილი, გურიაში გარდაიცვალა ბავშვი მეწყრის გამო დღეს და ეს ძალიან მტკივნეულია. ძალიან მაწუხებს ფაქტი, რომ ხალხი იძებნება. იმედია ჯანმრთელს ვიპოვით ყველას“, – აღნიშნა ბორელმა.

გურიაში სტიქიის შედეგად დაღუპულთა ოჯახებს სამძიმარი გამოუცხადა საქართველოს პრემიერ-მინისტრმა. ირაკლი ღარიბაშვილმა ბორელს, გამოთქმული სამძიმრისთვის მადლობა გადაუხადა.

გურიის რეგიონში, სტიქიის ზონაში მაშველებმა ერთი ცხედარი იპოვეს, დაკარგული ორი პირის მიმართ კი საძიებო სამუშაოები გრძელდება.