ისრაელს აქვს არა მხოლოდ უფლება, არამედ ვალდებულებაც, დაიცვას საკუთარი თავი, რათა 7 ოქტომბერი აღარ განმეორდეს, - ამის შესახებ აშშ-ის სახელმწიფო მდივანმა ენტონი ბლინკენმა ისრაელის პრეზიდენტ იცხაკ ჰერცოგთან შეხვედრაზე განაცხადა.

„ისრაელს აქვს არა მხოლოდ უფლება, არამედ ვალდებულებაც, დაიცვას საკუთარი თავი, რათა 7 ოქტომბერი აღარ განმეორდეს“, - განაცხადა სახელმწიფო მდივანმა.

თავის მხრივ, ისრაელის პრეზიდენტმა განმარტა, თუ რა ნაბიჯები გადადგა ისრაელმა, რათა დაეცვა ღაზის მშვიდობიანი მოსახლეობა.

„ისრაელმა გააგზავნა 6 მილიონი ხმოვანი შეტყობინება, 4 მილიონი ტექსტური შეტყობინება, 1,2 მილიონი საინფორმაციო ბუკლეტი. ვზრუნავთ მშვიდობიან მოსახლეობაზე, როდესაც მოვუწოდებთ მათ, უსაფრთხო ზონაში გადავიდნენ“, - განაცხადა ჰერცოგმა.