ისრაელის თავდაცვის ძალებში აცხადებენ, რომ თეირანში, „ისლამური რევოლუციის გუშაგთა კორპუსის“ ელიტური ქვედანაყოფის, „ყუდსის ძალების“ სამეთაურო ცენტრებზე ავიაგამანადგურებლებით საჰაერო დარტყმები განახორციელეს.

დარტყმები ზუსტ სადაზვერვო ინფორმაციაზე დაყრდნობით განხორციელდა.

ისრაელის თავდაცვის ძალებში ასევე აცხადებენ, რომ „აღნიშნულ ცენტრებს „ყუდსის ძალები“ ისრაელის წინააღმდეგ ტერორისტული თავდასხმების დასაგეგმად იყენებდნენ, ახლო აღმოსავლეთში ირანის მარიონეტული რეჟიმების დახმარებით“.

ისრაელის არმიის მიერ გამოქვეყნებული მასალებიდან ჩანს, რომ დარტყმები ათ ადგილზე განხორციელდა.