ჟურნალისტთა დაცვის კომიტეტის განცხადებით, ისრაელ-„ჰამასის“ ომში დაღუპულ ჟურნალისტთა რაოდენობა 36-მდე გაიზარდა.

მათ შორის 31 პალესტინელი, 4 ისრაელელი და 1 ლიბანელია. ამასთან, საომარი მოქმედებების დროს დაიჭრა 8 ჟურნალისტი, 9 კი დაკარგულად მიიჩნევა.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.