ისრაელ - „ჰამასის“ ომის შემდეგ ღაზა დამოუკიდებელი, სუვერენული პალესტინის სახელმწიფოს ნაწილი უნდა იყოს, - ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

„ჩვენ მხარს ვუჭერთ რეგიონში მშვიდობის მომტან ფორმულას და არა ისეთ ოპერაციას, რომელიც პალესტინელებს ისტორიიდან ეტაპობრივად შლის.

გლობალური სისტემის მიმართ ნდობა გაქრება, თუ ისრაელის შეჩერება არ მოხდება და იგი ომის დანაშაულებისა და ადამიანის უფლებების დარღვევის გამო პასუხს არ აგებს“, - აღნიშნა თურქეთის პრეზიდენტმა.

რეჯეფ თაიფ ერდოღანმა ასევე განაცხადა, რომ ირანის პრეზიდენტი, იბრაჰიმ რაისი ნოემბრის ბოლოს თურქეთს ეწვევა.