როგორც ექიმი აცხადებს, მას არანაირი ინფორმაცია არ გააჩნია, უნდა მიიყვანონ თუ არა გორის ჰოსპიტალში სააკაშვილი, თუმცა აცხადებს, რომ კლინიკა ნებისმიერი პაციენტის მისაღებად მზად არის.

„მზადყოფნაში ვართ, ჯერ არავითარი ვერტმფრენი არ მოსულა. საუბარი იმის შესახებ, რომ უნდა მოიყვანონ აქ პაციენტი, ამაზე ინფორმაცია არ გამაჩნია. ჩვენ ყოველთვის მზად ვართ ნებისმიერი პაციენტის მიღებისთვის, მათ შორის სააკაშვილის, თუ საჭირო იქნება. ინფორმაცია იმის შესახებ, რომ აქ ვერტმფრენი უნდა დაჯდეს, არ მიგვიღია. შესაძლებელია, დაჯდეს. ჩვენ მზად ვართ ყველანაირი სიტუაციისთვის. კლინიკა არის მრავალრპფოლური და აქ შეგვიძლია ნებისმიერი პაციენტის მიღება“, – განაცხადა ურთმელიძემ.