ისრაელის თავდაცვის ძალები (IDF) ღაზას სექტორში კიდევ 7 სამხედროს დაღუპვის შესახებ ავრცელებს ინფორმაციას. როგორც IDF-ში აცხადებენ, ექვსი მათგანი ღაზას სექტორის სამხრეთ ნაწილში მიმდინარე საბრძოლო მოქმედებებს ემსხვერპლა.

„ხუთი ჯარისკაცი 8111-ე ბატალიონის მე- 5 ბრიგადის წევრი იყო. ისინი ხან იუნისის რაიონში, სკოლის მახლობლად ტერორისტებს ებრძოდნენ, რა დროსაც ასაფეთქებელი მოწყობილობა ამოქმედდა“, - აღნიშნულია ინფორმაციაში.

საერთო ჯამში, ღაზას სექტორში სახმელეთო ოპერაციის დაწყების შემდეგ 104 ისრაელელი ჯარისკაცია დაღუპული.