"გეთანხმებით, პრეზიდენტო დონალდ ტრამპ, მადუროს რეჟიმი და ივანიშვილის რეჟიმი ორივე არალეგიტიმურია!" - ასე გამოეხმაურა ამერიკელი კონგრესმენი ჯო უილსონი, დონალდ ტრამპის მიერ 9 იანვარს პლატფორმა Truth Social-ზე გამოქვეყნებულ განცხადებას.

ცნობისთვის, აშშ-ის პრეზიდენტად არჩეულმა დონალდ ტრამპმა 9 იანვარს პლატფორმა Truth Social-ზე განცხადება გამოაქვეყნა, რომელშიც აღნიშნა, რომ “ვენესუელელი დემოკრატიული აქტივისტი მარია კორინა მაჩადო და პრეზიდენტად არჩეული გონსალესი მშვიდობიანად გამოხატავენ თავიანთ ხმასა და ვენესუელელი ხალხის ნებას, ხოლო ასობით ათასი ადამიანი რეჟიმის წინააღმდეგ მართავს დემონსტრაციებს” და ხაზი გაუსვა, რომ “ეს თავისუფლებისთვის მებრძოლები არ უნდა დაშავდნენ, უნდა დარჩნენ უსაფრთხოდ და ცოცხლები”.