გერმანელმა ტურისტმა დააზიანა მე-16 საუკუნის ცნობილი ნეპტუნის შადრევანი ფლორენციაში მას შემდეგ, რაც მასზე ავიდა სურათის გადასაღებად.

როგორც მედია წერს, 22 წლის კაცმა დაახლოებით ხუთი ათასი ევროს ოდენობის ქონებრივი ზიანი გამოიწვია და ახლა მას ჯარიმის გადახდა ემუქრება.

ინციდენტის ამსახველი ვიდეო და ტურისტის მიერ გადაღებული ფოტო სოციალურ ქსელში ფლორენციის მერმა დარიო ნარდელამ გამოაქვეყნა.

არქიტექტორის ტომასო მუჩინის თქმით, მე-16 საუკუნის ქანდაკება მთლიანად აღადგინეს 2018 წელს.

მან დასძინა, რომ კამერებმა დააფიქსირეს ინციდენტი, მაგრამ განგაში მხოლოდ მას შემდეგ ამოქმედდა, როცა კაცი ქანდაკებიდან გადმოხტა.