გერმანიის კანცლერმა ფრიდრიხ მერცმა (Friedrich Merz) გააფრთხილა საზოგადოება ულტრამემარჯვენე პარტია „ალტერნატივა გერმანიისთვის“ (AfD) შესაძლო წარმატების შესახებ სექტემბრის ლანდთაგის (სამხარეო პარლამენტის) არჩევნებში, რომელიც საქსონია-ანჰალტსა და მეკლენბურგ-წინა პომერანიაში გაიმართება.

მერცი შაბათს, 6 ივნისს, ლინსტოვში, „ქრისტიან-დემოკრატიული კავშირის“ (CDU) მეკლენბურგ-წინა პომერანიის რეგიონული განყოფილების ყრილობაზე გამოვიდა.

„ამ არჩევნებზე, პრინციპში, სასწორზე დევს ის, თუ რა მიმართულებით უნდა წავიდეს გერმანიის ფედერაციული რესპუბლიკა“, — აღნიშნა გერმანიის მთავრობის მეთაურმა. მისივე თქმით, AfD ეჭვქვეშ აყენებს „ყველაფერ იმას, რამაც ჩვენი ქვეყანა დიდებული გახადა“.

კანცლერმა განაცხადა, რომ „ალტერნატივა გერმანიისთვის“ მიზნად ისახავს „გერმანიის დაბრუნებას ადენაუერამდელ ეპოქაში“ და შეახსენა დამსწრეებს გერმანიის ყოფილი საგარეო საქმეთა მინისტრის, იოშკა ფიშერის (Joschka Fischer) ანალოგიური სიტყვები.

„ჩვენ არასდროს გვსურს იქ დაბრუნება“, — ხაზგასმით აღნიშნა მინისტრთა კაბინეტის ხელმძღვანელმა და დასძინა, რომ „სწორედ ამიტომ, ჩვენ არ დავუთმობთ ჩვენს ქვეყანას ექსტრემისტებს“