ფლორიდაში, სატვირთო მანქანების ავტოპარკში პატარა თვითმფრინავი ჩამოვარდა, რის შედეგადაც ხანძარი გაჩნდა.

მედიის ცნობით, თვითმფრინავი ერთ-ერთ ტრაილერს დაეჯახა. შემთხვევის ადგილზე სამაშველო ჯგუფები გაიგზავნა.

სამართალდამცავი უწყებების ცნობით, სავარაუდოდ, პილოტი დაიღუპა.

ფედერალური საავიაციო ადმინისტრაციის განცხადებაში ნათქვამია, რომ თვითმფრინავი იყო ერთძრავიანი Beechcraft Bonanza V35, რომელმაც შეატყობინა ძრავის გაუმართაობის შესახებ ავარიამდე ცოტა ხნით ადრე.

განცხადებაში ნათქვამია, რომ „ჯერჯერობით უცნობია რამდენი ადამიანი იმყოფებოდა ბორტზე“.

ავარიას FAA (ფედერალური საავიაციო ადმინისტრაცია) და ტრანსპორტის უსაფრთხოების ეროვნული საბჭო (NTSB) გამოიძიებს.