სომხეთი ეძებს პარტნიორებს იარაღის მიწოდების საკითხში. ამის შესახებ ოთხშაბათს სომხეთის პრემიერ-მინისტრმა ნიკოლ ფაშინიანმა განაცხადა.

„ჩვენ ვამრავალფეროვნებთ ურთიერთობებს უსაფრთხოების სფეროში, რადგან ჩვენს პარტნიორებს უსაფრთხოების სფეროში არ შეუძლიათ, მათ შორის ობიექტური მიზეზების გამო, იარაღი და საბრძოლო მასალა მოგვყიდონ. ჩვენ ამაზე ღიად და პირდაპირ ვსაუბრობთ", - თქვა ფაშინიანმა პარლამენტში მთავრობის საათზე.

მისი თქმით, ერევანი პარტნიორებს სთხოვს, არ განაწყენდნენ. „ჩვენ უნდა ვეძებოთ სხვა პარტნიორები უსაფრთხოების სფეროში და ჩვენ ვეძებთ და ვპოულობთ ამ პარტნიორებს, ვცდილობთ დავდოთს ხელშეკრულებები, შევიძინოთ იარაღი და სამხედრო ტექნიკა”, - აღნიშნა ფაშინიანმა.

რამდენიმე დღის წინ ცნობილი გახდა, რომ საფრანგეთმა სომხეთს ჯავშანტექნიკა გადასცა.