ევროკავშირის წევრმა სახელმწიფოებმა მხარი დაუჭირეს ქართული დიპლომატიური პასპორტების მფლობელებისთვის ვიზალიბერალიზაციის შეჩერებას. ინფორმაციას „რადიო თავისუფლების“ ევროპის ოფისის რედაქტორი, რიკარდ იოზვიაკი სოციალურ პლატფორმა X-ზე ავრცელებს.

იოზვიაკის ცნობით, გადაწყვეტილების წინააღმდეგ მხოლოდ უნგრეთი და სლოვაკეთი წავიდნენ.

მისივე ინფორმაციით, მიღებული გადაწყვეტილება ძალაში მარტის დასაწყისში შევა.

„ევროკავშირის წევრმა სახელმწიფოებმა საქართველოს დიპლომატიური პასპორტების მფლობელებისთვის ვიზალიბერალიზაციის შეჩერებას მხარი დაუჭირეს. წინააღმდეგ გამოვიდნენ მხოლოდ უნგრეთი და სლოვაკეთი. გადაწყვეტილება ძალაში შევა მარტის დასაწყისში“, - დაწერა იოზვიაკმა.