ირაკლი კობახიძის განცხადებით, ერიკა ოლსონი აშშ-ის სახელმწიფო მდივნის მოადგილის თანაშემწის პოზიციაზე ახალი დანიშნულია და მასთან თანამშრომლობა მათთვის მნიშვნელოვანია.

მისი თქმით, შეხვედრა გაცნობითი ხასიათის იყო და არჩევნების შემდეგ საქართველოში განვითარებულ პროცესებზე ისაუბრეს, ასევე სტრატეგიულ საკითხებზე, რომელიც ჩვენს რეგიონს უკავშირდება.

ამასთან, აშშ-ის სახელმწიფო მდივნის მოადგილის თანაშემწე ასევე შეხვდება ოპოზიციონერ ლიდერებს. ერიკა ოლსონი, რომელიც სახელმწიფო დეპარტამენტში სამხრეთ ევროპის და კავკასიის საკითხებს კურირებს, საქართველოს 4 ნოემბერს ეწვია.