აშშ-ის სახელმწიფო დეპარტამენტის ცნობით, ანტონი ბლინკენი დღეს თურქეთს ეწვევა, - ამის შესახებ BBC-ი წერს.

ჯერჯერობით უცნობია ვის შეხვდება აშშ-ის სახელმწიფო მდივანი.

გასულ კვირას თურქეთის პრეზიდენტმა რეჯეფ თაიფ ერდოღანმა „ჰამასას“ „განმათავისუფლებელი ჯგუფი“ უწოდა და ისრაელი „ომის დანაშაულში“ დაადანაშაულა. საპასუხოდ ისრაელმა თურქეთიდან საკუტარი დიპლომატები გამოიწვია.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.